تقرير رحلتي الأخيرة الى بلاد الأحلام ديزني لاند بالتقاصيل والصور!!!

في تاريخ 13 يناير 2024 وتحديدا في الساعة 4 الصبح .. توجهت الى مطار أبوظبي الدولي علشان الحق على موعد الطيارة .. بما انه كنا 21 بنت مسافرين.. ولأول مرة مع بعض .. كنا وااااايد متحمسيين ..

كنا مسافرين ل "اورلاندو" حق كورس مدته 4 ايام .. وباقي الأيام حق الحواطه في ديزني و أسواق اورلاندو ..

المجموعة كلها تلاقت في المطار على الساعة 5:30 .. وبعدين كلنا دخلنا علشان نخلص التذاكر ونشحن الشنط
..بما انه كنا مسافرين على الخطوط الجوية القطرية ..

و لرحلة طويلة .. كان المسموح حق كل وحده انها تاخذ شنطتيين .. وكل شنطة ماتتعدى ال 25 كيلو .. بعد ما شحنا كل الشنط واستملنا التذاكر .. اكتشفنا مشكللللللة مب طبيعية .. تخيلوااااا شو صار …

كانوا لازم يعطونه 3 تذاكر لكل شخص .. بس اكتشفما انه نص البنات عطوهن تذكرتييين بسسس .. يعني لو مانتبهنا كانن نص البنات تمن في واشنطن وماكملن الرحلة لواشنطن هههههههههههههه … المهم يلسنا نص ساعة ننتظر موعد الطيارة ..

(الرجاء عدم الرد على الموضوع حتى انتهي من الحلقة الأولى)

الفيزا الأمريكية

مثل ماذكرت قبل .. نحن مجموعة من البنات مسافرين حق كورس .. اغلب الشركات السياحية عطتنا خصومات حلوة .. وبعد السفارة الأمريكية ساعدتنا وااايد .. الصراحة ما قصروا ابدا .. وقاموا بالاجرائات بكل سهولة وسرعة .. هذي كانت خطوات الحصول على الفيزا الأمريكية:

1- في البداية ملينا استمارة الفيزا اون لاين .. بعد ما حجزنا الفندق .. لانه في الاستمارة يطلبون مكان الاقامة ..

5- والحينه يا وقت المقابلة في السفارة الامريكية .. كنا نحاتي كيف بتكون .. وشو الاسئلة الي بيسألونها .. واايد ناس خبرونا انه يمكن يسألونكم اسئلة واايد شخصية .. بس تخيلوا شو سألونا !!!!
شو تخصصكم ؟؟ اي سنة جامعة ؟؟ وبسسسسس ..وبعدين خذوا بصماتنا .. يوم خلصنا رووحنا وانتهى رعب السفارة الأمريكية .. وطبعا الفيزا مدتها 10 سنوت ..
………………………………………….. ………………………..

(الرجاء عدم الرد على الموضوع حتى انتهي من الحلقة الأولى)

كانت مدة الرحلة تقريبا ال 45 دقيقة .. الطيارة كانت وااايد صغيرة .. والأكل كان بااااااارد .. تخيلوا سندويش مثللللللج والله ما صارت

.. المهم قلنا ان شاء الله بنتريق ريوق حلو في مطار قطر ..
بعد ما وصلنا مطار قطر .. يلسنا ننتظر طيارتنا الثانية تقريبا ساعة ونص .. تريقنا في الكوفي شوب الي في المطار … وعوضنا الريوق الي راح علينا في الطيارة ههههههههههه … وبعدين يلسنا عند بوابة 14

(الرجاء عدم الرد على الموضوع حتى انتهي من الحلقة الأولى)

مدة الرحلة الى واشنطن كانت تقريبا 13 ساعة .. الرحلة كانت طويلة لأكثرنا لأنه اول مرة نسافر سفره واااايد طويلة .. كنا بنسافر على الرحلة الي توقف في لندن .. بس مع الأسف في هذا اليوم كان مطار هيثرو مسكر بسبب اضراب الموظفيين .. ف ماكان بوسعنا الا انا ناخذ هذي الرحلة ..

الحمدلله مر الوقت بين مشاهدة الافلام والبرامج .. واكييييد الرقاااااااد .. والحمدلله وصلنا الى مطار واشنطن بالسلامة .. بما انه هذي كانت سفرتي الأولى على الطيران القطري .. أنصح اي حد يبا يسافر على هذا الطيران وتكون الرحلة طويلة انه يحجز على درجة رجال الأعمال (نفسها الدرجة الأولى) لأن الصراحة الدرجة السياحية وااايد تعب ..مع انه الكراسي كانت زينة … الأكل كان مب وابد حلو … استغفر الله .. والصراحة خدمتهم ماكانت واايد حلوة . خاصة انه كل المظيفين والمظيفات صينيين ..

بعد 13 ساعة تقريبا .. وصلنا الى مطار واشنطن .. الصراحة معاملتهم لنا في المطار كانت وااايد حلوة … كانوا واايد طيبيين وما تعبونا ابدا .. لا عند ختم الجواز ولا عند الشنط .. عقب تمشينا شوي في المطار .. وخذنالنا ستاربكس

[SIZE="5"]اممممم كان لذييذ .. الذ على الي عندنا بوااايد .. طعمه احلى وتحسين انه اخف بواايد عن الي عدنا .. هذا هو الأصلي ههههههههههه [/SIZE

وانتظرنا الطائرة والرحلة الأخيرة .. من واشنطن الى اورلاندو .. بعد ما ريحنا شوي في المطار .. توجهنا الى طيارة

.. تخيلوا من التعب .. قبل ما تطير الطيارة والا نحن كلنا ززززززززز رقووود خخخخخخخخخخ والله كان شكلنا يضحك وااااايد ..

(الرجاء عدم الرد على الموضوع حتى انتهي من الحلقة الأولى)

Grand Floridian Resort and Spa

هذي صور الفندق من النت:

وهذا ستايل الغرف .. الستايل الفيكتوري الجميييل

وهذي حديقة الفندق .. ومثل ماتلاحظون .. الندق .. او المنتجع له اكثر من مبنى ..

(الرجاء عدم الرد على الموضوع حتى انتهي من الحلقة الأولى)

هذا المنظر من دريشة غرفتي ..

وهذي البحيرة الي فيها القوارب الصغيرة الي ممكن نأجرها حق نص ساعة .. او نسير فيها حديقة من حدايق ديزني ..

المبنى الي على اليمين .. هو المبنى الي كنا ساكنيين فيه .. اما المبنى الأخير .. هو الي كان فيه الكورس

وهذي صورة للفندق كامل .. الصراحة من افخم الفنادق الي سكنت فيها .. وطبعا بما انه كان شتاء .. مافي ناس على الشاطىء يتسبحوون .. بس في الصيف .. زحمممممة

وهني الريسيبشن مال الفندق .. في الطابق الأول كله محلات وصالونات ..

الصراحة الفندق أكثر من راااااائع .. ويعتبر من أحلى فنادق مدينة ديزني .. الفندق جدا نظيف وراقي .. والموظفيين معاملتهم تجنن .. كان استقبالهم لنا رااااائع .. كانوا مجهزين حقنا كل شيء عند الوصول ..

بعد ما وصلنا الغرفة … فضينا اغراضنا .. براويكم بعض الأغراض الي شليناها ويانا ..

صور نعولي انا وربيعتيه .. عزكم الله .. مثل ماتلاحظون اغلبهن بدوون كعب .. علشان المشي والبرررررررررررد ..

وهذا جزء بسيط من الجاكيتات والكوتااات الي شالييناهن ويانا .. لانه الجو كان اكثر من رائع .. برااااد من الخاطر .. كانت توصل الحرارة ل 3 درجات .. تخيلووو البررررد

(الرجاء عدم الرد على الموضوع حتى انتهي من الحلقة الأولى)