.gif "12 (80)")
ودقيت لهنود المرر و دق سوالف عقب دقينا حق شمسه وشبكنا الخط وياها وضحك ضحك ضحك 
م الخاطر يعني احلى كلام والله عقب شوشو قالت اجلبوا ويوهكم لانه ريلها يا م الدوام وتمينا انا وهند قرقرقرقرياااا لييييين الساعه 4 العصر وضحك ضحك وانا اقول اللهم اجعله خير وهند اتضحكني اكثر والله حتى خفت من هاليوم بعدين خونت فيني وسارت رقدت وقالت بتريا التفاصيل الفلّيلقلتلها اوك ، وبعدين اتصلت حرمة اخويا قالت : لي اسمحيلي مابروم ايي عشان اصلا مايستوي ايي لان عزانا ماكمل الا شهر ونص بعدين انا قلتلها اوك عادي بس مب عادي كنت اباها
.gif "12 (15)")
وليييين وقت قريب كنت اتحسبها مسوتليه مقلب الييييييين ما وصل اخويا ويايب لي هديه من عندها قلت له حرمتك مابتي اكيد ؟قال لا مابتي وطبعا اكيد عذرتا بعدين اقولكن سوينا هيييج اليلسه المحترمه انا وخواتي ومكيجوني واخوي يطالع اخر شي قال : وحق شوه هذا ان شالله وماماتي ردت عليه : هذا لازم بس لاتخاف ع الخفيف بس وصلينا العصر ووصلن
.gif "12 (35)")
خالاتيه وحرمة عميه و بنات عميه ثنتين وعمتيه بس ويدوه ام ماما ويدوه ام باباه بعددييييين كل شي جهز خلاص وتمينا يالسين وصلينا المغرب واخيرا اتصلوا ودليناهم ع البيت لانهم طوّفوا بيتنا وباعدوا عنه وبعد مادخلن الحريم وعينن من الله خير زقرونيه اسلم عليهن اقووولكن وسلمت عليهن ويلست ، حوالي عشر دقايق وعقب استأذنت ورجعت الصاله اللي فيها البنات اللي هن خوات خطيبي و خواتي وبنات عمي وتمينا نسولف نسولف اخرتها تموا يسولفون عن الشعر والقصات والصبغات جان تقولي اخته العوده كيف شكله شعرج طويل ؟ جان ارويها واختي قالت لي : افتحيه عادي جان افتحه ، وسألنني جمن سؤال بعد وقالوليه عادي اذا تبين تسألينا عن اي شي عنا اسألي طبعا ماقصرت سألت عن اساميهن وومدري شوه وماعرفت شوه اسألهن عنه المهم بعديييين تعرفنا وتعودناعلى بعض بعدييييييين بعد ماتعودنا ع بعض طلبوا مني ارتبهن م الاصغر للاكبر وطبعا عكست وخبصت وهم يضحكون بعديييييين يابوا لهن الحلاوه والعصير والكيكه اللي انا مسوتنها طبعا عيبتهن ويا القهوه احم احم 
و صراحه كانت يلسه رووووعه كله فرفشه وسوالف بعديييييييين زقرتني ماما حزة مابيدخل الريال ، وعطتني نصيحتين ع الطاير وظهر اخويه يا عندنا انا وماماه وقالي : يالله شواخ .gif "12 (33)")
وانا مابا اسير جان ايقول : اتحركي وانا اقول يارب ساعدني ع هاللحظه ويارب حلو يارب حلو ولا شوه يفكني من لسان شموووس و هنوووده .gif "12 (63)")
طبعا كانوا هناك خطيبي و ابويه وابوه وبسسسسس بعدين دخلنا انا واخوي واحس اني انتفض صراحه وفوق جي بعد ماسلمت ونسيت اسلم وقالي ابويه : سلمي يابنيه
وضحكوا هو وابو خطيبي وسلمت وردوا السلام وطبعا اول شي شفته بعدين نزلت راسي لانه خفت اوافق ع الفاضي وعقب اندم اني ماشفت، وقالي ابو خطيبي لاتستحين هذا ابوج والثاني اخوج وانا حسبت ابوج محد غريب الا فلان وضحكوا طبعا وانا مارديت طالعته و ابتسمت نفس ماعلمني هند وشمسه ذلّوني ع التلفون سوولي دوره اونه بنعلمج( السنع وفن الاتيكيت في استقبال الخطيب
.gif "44(14)")
) و طبعا امايه وامه ماكانن عندنا لانه هناك ابوي وابو خطيبي بعدين ماصدقت انهم بيسيرون الميلس وشردت عند البنات بعدين قالولي تشاوفتوا قلتلهم هيه بعدين قالولي : خفتي قلتلهن : لا وقالن : بطله مع اني خفت مووووووووت صراحه وبعدين ماشي كل وحده تمت تقولنا مواقفها في النظره الشرعيه وصراحه كل موقف اخس عن الثاني الله لا راواكن اللي جبت العصير واللي واللي
بعدين سارن البنات للصوب اللي فيه الحريم صوب البوفيه يعني عشان العشا وانا سرت ارمس هنود الدووووبه وخبرتها التفاصيل وتمت تضحك عليه وبعديييييييييين رجعت عندهم بعد ماتعشوا ويلست وياهم عشر دقايق قبل مايروحون طبعا كنا فالنهايه هاليلسه كلنا خلط الحريم والبنات مع بعض ومدتها عشر دقايق وبعدييييييين ماشي عاد خلاص خلصت اللحظات السعيده
ولما راحوا استلمت بابا وقلت له : انت ليش اتفشلني وتم يضحك علي ويخبّر ماماه ويقولها بنتج لا سلمت ولاشي واجفه شرات الصنم وضحكني قلّد وقفتيه وخواتي عاد دورن عليهن م الضحك وماماه تضحك وبعدين اخوي سوى مسرحيه وتم يقلد حركاتي والله كنت مفتشله واقولهم احلفوا انا جي كنت لا لا ماصدقكم لو تحلفون ميت مره بس كان يوم مميز وبعدين حرمة اخوي اتصلت حق ريلها ورمستني خلت عيالها كلهم يقولولي مبلوووووك عمووووه.gif "13 (33)")
وباركت لي هي بعد افتقدج في الخطووووبه ياااادووووبه واتصلوا بنات صفي كلللللللللللللهم الفضوليات بعد لانهم يبون الحلاوه واليوم وديت لهم باتشي
وبسسسسس لا لا بعد وماماه ام هنووودي وعدتنا بتدعيلنا انا وهنودي في الحج افتقدناها بعد
ف انتظار التهاني وتووووووته تووووووته خلصت الحتووووووته