تعالي سوييلج من هالمقشر الطبيعي للجسم الصرااحه وااااااو عن تجربه

السلام عليكم ورحمة الله وبركاته

هاي اول مره انزل موضوع في هالقسم

انا ما احب انزل موضوووع الا اكوون ناقله فيها تجربتي عشااان افيد البنات اكثر

اول شي بخبركم كيف عرفت هالمقشر

من سنه تقريبا وانا احوط فالمنتديات شفتها وقلت ليش ما اجربها .. وبالفعل سويتها وجربتها

وعقب جربتها اختي وعيبتها وشوي اشوي ليين ما صارت العايله كلها تستخدمها من خواتي وحريم اخواني

واليوم قلت افييدكم بها

بصراااحه هالمقشر يا بنات جناااااااااان يخلي ريحته الجسم واااااااااااو والاكثر نعوووومه حلووه

والي بتستخدمه صدقوني بترد تسوييه مره ثانيه شراتنا كل ماتخلص انسويها مره ثانيه

رمست واااااااااااايد خلوني انقل لكم المقادير وطريقة الاستخداام

يالله باسم الله

مقشري اليوم..سهل جدا..هو غسول ومقشر في آن واحد..لكل الجسم من القدم للرقبه
في متناول الجميع..نتائجه فوريه..والريحه خيال
ويخليك عسل في عسل في شهر العسل
بيدخل شنطة كل عرايسنا ان شاء الله ,,, ممكن العرااايس بعد يستفيييدن تشله وياها في شهر العسل
المكونات:

1. زجاجه محكمة الغلق مغسوله بالبيكنج صودا والماء الساخن لتعقيمها.

(( انا الي خذتها مب مثلها بالضبط لا ,, القرشه الي ايي فيها مثل الربل ( المطاط ) نستخدمها فالمطبخ للبهارات ومرات يستخدمونها للدخوون ))

2. كوب ونصف سائل استحمام ماقبل النوم من جونسون – bedtime bath by JOHNSON
( ممكن مضاعفة الكميه اذا كانت زجاجتك كبيرة الحجم )

3. كوب ونصف دقيق رز/ طحين رز/ رز مطحون
(( طبعا انا اشريت الي ايي فالجمعيه الرز المطحوون اي نوووع مب مشكله ))

4. ملعقه اكل جليسرين سائل
( متوفر بالصيدليات والسوبرماركت والعطارين)

5. ملعقتين اكل زيت خزامي/لافندر (من بودي شوب )
أو
ملعقتين اكل زيت ورد خالص. ( من العطار )
أو
أي زيت عطري خالص من البودي شوب ..باتشولي او ايلانج ايلانج الخ
( لا لزيوت زهور الريف وغيره المعطره لانها تضر لاحتوائها على عطور) اختياااااااااااااري ممكن تستغنيين عنه

6. ممكن استخدام ملاعق القياسات البلاستيكيه لضبط الطريقه
وهي متوفره في كل مكان حتى رامز.
وقياساتها .. كوب/نصف كوب/ثلث كوب/وربع كوب

يتبع الطرييييقه

* نحضر الزجاجه ونضيف لها مقدار الجليسرين السائل

* وبعدها ناخذ طحين الرز بنفس المقدار ونضيفه على الجليسرين السائل

* ثم يأتي دور سائل الاستحمام من جونسون نأخذ المقياس المطلوب ونضيفه

وبتلاحظون الزجاجه بتتملي قبل اضافة كل المقدار من سائل الاستحمام

باستخدام مضرب اليد نخلط المكونات حتى تتجانس تماما. ( خلط لخمس دقائق )

مع الانتباه ان تكون كل ادواتنا جافه بلا ماء حتى لايخرب مقشرنا.

* ونرجع نضيف باقي سائل الاستحمام لدينا لان كل الكميه الفائضه بتنزل بعد الخلط

* وآخر خطوه هي اضافة الزيت الخالص اللي نرغب به..

ممكن أي زيت خالص من زيوت الاروماثيرابي من بودي شوب

وممكن زيت الورد الخالص من عطار مضمون

انا اموت على اللافندر ..

وبالمضرب نرجع ونخلط كل المكونات حتى يتداخل الزيت المعطر مع المقشر

ولاحظوا القوام…بيكون شبيه بالصوره كالآيسكريم

وهذي النتيجه..

ومن حظي لقيت زجاجه بها غطائين محكمين لتجنب سيحان المقشر.

الآن خلصنا من عمل مقشرنا التحفه..

انا الصراحه خلطت المكونات كلها قبل وبعدين حطييتها فالزجاجه لانه فالزجاج صعب شويه تخلطين براحتج

بقى نعرف الطريقه..

ناخذ لنا دوش / حمام بماء دافيء فقط..

بلا صابون ولا شاور جيل..

بعدها باستخدام ملعقه بلاستيكيه ناخذ كميه ونوزعها على منطقه بالجسم

ونبدأ الفرك باليد..اكرر باليد فقط

وبدون مانرجع نبلل جسمنا فقط نبدأ بفرك مناطق جسمنا بحركات دائريه

بما فيهم المناطق الحساسه والثنايا وكل مكان الا الوجه طبعا

ونستمر حتى نلاحظ ان المقشر بدأ يجف على البشره خلال ثواني طبعا

وبعدها بتحسون بحبيبات الرز تؤدي مفعولها وغرضها ونستمر برقه في تقشير البشره

وبعد مايجف المقشر نفتح الماء الدافيء وهات يا غسل وازالة لكل آثار المقشر باليد

وبعدها بماء بارد لقبض مسامات الجسم..وبعدها تدهنوا باللوشن اللي تحبونه

وانتوا تلمسون بشرتكم وتشوفون المرمر..ماشاء الله وتبارك الرحمن

ملاااحظه

المقشر مايخترب لين ما تخلص الكميه وياااكم

وحافظوا على عدم تناثر قطرات ماء لداخل الزجاجه

وممكن استخدامه مرتين بالاسبوع

مع الاستخدام بتلاحظون نعومه ماشاء الله

بياض ماشاء الله

ولمعه عذاااااااااااااب بالبشره

ورائحه ..واااااااااااو

المقشر يناسب كل البشرات

المكونات لاتحسس ولا تهيج البشره

تاثير النشا من طحين الرز يظهر على البشره ويفتحها مع المداومه عليه

افضل استخدام النوعيه المذكوره من جونسون لريحته المميزه .

خذوا نصيحتي ..( اكلم عرايسنا )

سووا المقشر وخلوه اول غرض يدخل شنطة شهر العسل..

طبعا ماننسى حبيت اشكر صاحبة الخلطه ( بنت عذاري ) ويزااها الله الف خير … وفي ميزان حسناتج انشالله

وسلاااااااااااااااااااااااااااااااامتكن

دعواااتكم لي في ظهر الغيب .. وللغالي ابووويه بالرحمه والمغفره

واتمنى الي تجربها او جربتها تفيييد البنات وتقول عن تجربتهاا