https://forum.uaewomen.net/showthread…=435422&page=9
وانا مكياجي كل ما ياه ويخف حاليا
مرطب او سن بلوك
عقب بيس ميك اب فور ايفر مرات hd ومرات all matte
عقب كونسيلر
كومباكت باودر
امشط حواجبي
جحال ملون ومرات بدون
ماسكرا
بلاشر وردي او مشمشي
روج طبيعي على رودي
وبث
وانتو شووووو
"يفضل ذكر الماركات "
حق الفصل الدراسي اليديد
ناويه اخذ بودره بودي شوب
كونسيلر ايف سان لوران اللي عشكل قلم
ماسكرا بيفت وطبعا ماكس فاكتور شي ثابت لازم تكون عندي بس حابه اغير ماعرف ليش
بلاشر يمكمن اخذ من ماركه نارس ويمكحن ما اخذ لاني عندي بلاشرات من ماك ماخذتهم من يديد
ارواج يمكن ما اخذ
موضوعج حلو خيتوو
اممم انا بعد مكياجي بدا يخف هههه
بس الاساسيات عندي
مرطب وسن بلوووك
وكونسيلر من افوون
وكريم اساس من اوفيس
الجحل مب دايما و المسكرا مب دايما على حسب المزاج
بس اذا حبيت اسوي خفيف اسويه برع العين من تحت وبشكل خفيف
امممممم و الروجات انوع وايد
بس احب الوردي الفاتح و الالوان الترابيه
من ميك اب فور ايفر جلوساتهم رووعه الكل يسألني ليش الجلووس لمعته اتم ولوونه لين آخر الدوام
يتحرووني احط كل حي اقول لهم لا احطه مره و حده قبل ما اظهر ^^
وبااااس
وعشان جيه انا مول ماحط شي في ويهي
بس احط جحال ملون من برع
ومرات مسكرا بدون شي
واهم شي مرطب لابيلو للشفايف
واحط قلوسات ع حسب عشان يلاحظون التغيير
وماحب اكرر نفس اللون في الاسبوع الواحد
يعني الاحد ازرق واللي عقبه وردي واللي عقبه بنفسجي
يعني كوكتيل مدار العام ^_^
وان شاءالله براويكم تجهيزاتي للميكب حق الكليه^_^
وشكرا ع الموضوع
يسلمووو عالتفاعلف خيتووو …. تقريبا نفس لوكي
احساس زمن
مشكوره عالتفاعل
واحب اقولج اذا ويهج يدهن استخدمي برايمر اول مات من ميك اب فور ايفر ويوم بتخلصين من مكياجج كله عقب ما تحطين الكومباكت باودر او الفاونديشن انثري عليه لوس باودر سوبر مات من ميك اب فور ايفر
وعموما المكياج يباله تعديل كل فتره وفتره يعني تقدرين تسيرين الحمام عشان تجيكين اذا اماكن اللي تدهن يبالها تعديل وتزيدين عليها بودره
حبيت افيدج 
ويسلمووو عالمرور
ولاااااااااااااا تشردين لازم تراوينا تجهيزاتج لا تنسين
انا عن نفسي اهم شي البودرة الي من ميك اب فور ايفر >> احلي بودرة استخدمتهاا
ارسم عيوني باالاينر من براء وداااخل والكل يقول من وين شريتي الكحال مالج وهو من >> محمود سعيد الصراااحة اسود سواد الليل وثاااابت طول الدوااام واحط اللوان بعد
عقب بلشر واخذهاا من >> مااااك روعه
روج وعقبة قلوس بعد من >> مااااك
والمسكرااا من لانكوووم واحب اغير ميبيلينك
وبس ^^
في البداية أحط سن بلوك
عقبه أحط ميركل تاتش من ماكس فاكتور وعقبه أحط لوس باودر من ماك
أرسم عيوني بالكحل من برا وعقبه أحط مسكرااا من ماكس فاكتور
واحط بلشر عالخفيف
وبس
وكحل اسود واحيانا بني او كحلي على حسب اللبس ^^
وروج بني فاتح ما احب اغيره
واحيانا احط آيلينر يوم اتفيج بس
والحين بيكون رمضان مابحط شي غير الكحل و الواقي
عقب رمضان بنكشخ شوي