تعالو شوفو اسماء احسن الخيايط اللي فصلت فيها كناديري . وشاركونا بعد

مرحبا الساع خواتي

شحالكم

بما أن موسم الاعياد قرب شوي صراحه انا افضل اني افصل من الحين بعدين بيكون زححححححمه قلت خليني اشارك خواتي باسماء الخيايط اللي فصلت كناديري عندها قبل والحين طبعا الخيايط المفضله

يلا بسم الله نبدأ

أول خياط

الاشعاع للخياطه والتطريز
دبي – فريج المرر – ورى مسيد الفطيم
هالخياط مناسب للحريم اللي يحبون المخاوير الراقيه واللي فيه شغل وايد وبعد اسعاره زينه

الشيبه للخياطة والتطريز
دبي – فريج المرر – ورى سوبر ماركت شروق الشمس
هالخياط ماشاء الله عنده موديلات رووووووعه عنده الشغل البحريني والكورشيه وبعد موديلات خفيفه روعه وايد تعيبني

خياط جميرا 2024
دبي – فريج المرر – ورى مسيد الفطيم عدال خياط الاشعاع
هالخياط بعد نفس خياط الاشعاع عنده موديلات رووووعه وشغله بعد راقي وموديلات يديده

العروس للخياطه والتطريز
دبي – مركز بن سوقات – الدور الثاني مجابل محل نعومي
عنده ماشاء الله موديلات حلوه وراقيه ويخيط الجلابيات المغربيه الراقيه اللي متروسه شغل واتناسب العرايس بس اسعاره شوي أغلى لانه في مركز

يلا خواتي دوركم الحين خبرونا اي خياط هو الخياط المفضل عندكم

ولو تعطونا لسته بعد وايد زين خخخخخخخ