تعالو اخبركم بسالفتي مع الانجليزيه الوقحه

مسا الخير

بنات أنا ما ادري هل نحن اصبحنا اغراب في بلادنا او هالوافدين يتحرون عمارهم هم اهل البلاد الاصلين و نحنا الوافدين عليهم….

بخبركم السالف و هي مع وحده انجليزيه عليها من الله ما تستحق الوقحه…..و يكثرهم الانجليز و الاوربيين اللي استوو تراسين دبي تراس…..

المهم أنا كنت موديه و لد اختيه مال الالعاب يحليله ضايق و من زمان ما ودينه مال الالعاب…و عاد تعرفون الاجازه الصيفيه و مللها…..المهم قلت بوديه المول ….و هناك كان فيه بولينج و عاد هو يحليله ما يروم يشل الكور الثقال فأنا قمت و حطيت له اخف الكور…..بعدين…. قولو بربع ساعه جان تي انجليزيه مع مجموعه من اليهال لكن شكلهم مب كلهم عيالها ما ادري من واين ملقطتنهم….

و تقوم بدون أستاذن و تاخذ الكور اللي في صوبنا….برغم ان في جهتهم لهم كور مخصصه….و أنا هالكور مب يبيتنهم من صوبها لا من مكان يكون واراء…ما اعرف كيف اشرح….

المهم انا تميت اطالعها و أنا مغيظه جان اي فلبيني ما له علاقه فيها ما ادري ليش رز ويهه جان يقول
it’s ok madaaaaam
في باقيه لكم كوره وحده….بعد انته ليش راز ويهك

قلت بنعدي الموضوع باقي كم دور و بنخلص… وتمينا على هالكور لين ما تسير و ترد…لان الباقيات ثقاااال ما يروم يشلهن……..و ما صدقت خلصنا و سرنا….
قلنا بنسير مطعم من المطاعم السريعه….المهم سرنا و تمينا نتريا…و نتريا….أنا كنت واقفه على الكاونتر اتري دوري جان اشوف هذيك الانجليزيه الوقحه نفسها يايه واقفه في واحد من الطوابير و طبعاً أنا واقفه قبلها….. المهم و أنا واقفه على الكاونتر الحرمه اللي عدالي خلصت و ما كان حد واقف وراها….جان تهز لي الحسابه راسها انا اي….جان اخذ المكان….الا اتفجاء بهذيج الانجليزيه يايه ورايه و تقول حق اليهال اللي ياها >>>>>> اووووه حد خذ مكانا!!!!!!
و قالتها بصوت عالي يعني تسمعني….

نعم مكانج……أنا واقفه قبلها يمكن بعشر دقايق و مليت من الوقفه و إنتي يالوقحه تين و تقولين هالكلام…صدق انها وقحه…..في هاذيج اللحظه الحسابه يالسه تقولي نعم طلبج….

وأنا في نفس الوقت كنت ابغي ارد على هاذيج….المهم مسكت اعصابي و طلبت….و فكرت شوي…و أنا اعرف نفسي لو دخلت ياها في ملاسنه عادي ايها طراق….وفكرت انا معايه ولد اختي الصغير….و ما ابغي اسوي مشاكل في وجوده او يخاف الولد و اختي بروحها مريضه و مب ناقصه و هو عندي مثل الامانه…..و امي محذرتني بعد تعرفني….وكله تقول خلج في حالج…..و إذا سويت اي مشكله تقولي ليش تسوين مشاكل و ترد عليه….
و يوم رديت البيت خبرتهم و قالو لي صح هيه غلطانه و فيها و فيها…..لكن اونه احسن انج سكتي خلج عن الضرايب….
يا ربي لين متى احنا انتم ساكتين
بس يا بنات والله منقهرررره إني ما رديت عليها…..حتى جاسني صداع من امس بسبب هالسالفه…المشاعر السلبيه ما فرغتها…..صدق احس اني ابغي اكفخها
و هاي سالفتي…..انتو شو رايكم…..و لو في مكاني كيف بتتصرفون ؟؟

مالت عليها زين ما سويتي و الله
الله يعزج عن هالأشكال ..الحمد لله يوم يودتي عمرج عنها
خلها اتولي الله ياخذهم و نرتاح منهم يارب
تارسين اللبلاد اتقول ابلادهم

لا أختي وايد زين إنج ما رديتي عليها ،
هي يبين إنها ياية من مصح عقلي عندهم
خلها تعرف إن بنات البلاد مب ساكتات عشان يخافن ، ساكتات مترفعات عن أشكالها
الله يحفظج

هههههههههههههههههههههه فديتها مريه حلوه مصح عقلي
في البدايه اكتئبت وياج بس قريت ردود البنات الحلوه فرفشت
وان شاء الله انتي بعد
طنشي ترتاحين

يوم خذت الكور جان قلت لي لها ليش ما استأذنتي قبل لا تاخذينهم

ويوم تحلطمت عليج جان قلتي لها انه دورج

انا اتغاضى على اهل الديره بس ما اتغاضى عن الغرب الصراحه لانهم شاقين القاع وماكلين الاولي والتالي وبديرتهم عزكم الله ماكلين تبن
بس عندنا متفرعنين

شو لج توسخين ايديج اصلا لج الشرف انج ما تلمسينها حتى بطراق

زين انج ما رديتي عليها احسن شي سويتيه انج طنشتيها والله صدق قققققققققققققققهر خلاص استويت ما احبهم اتقولين بلادهم متحكمين في كل شي ويرومون يوصلون لاي مكان ويشتكون والمواطن المسكين ماله اي كلمه الله يعينا ….لا والقهر اخر شي يقولولج نحن بنرفع مستوى دبي ما بتنقهرين