كنت يالسه افكر كيف اختم القران فشهر واحد لاني من فتره ماقمت اقرا القران واااايد وحسيت اني مقصره فحق ربي واااايد (( اللهم اني ظلمت نفسي فان لم تغفر لي وترحمني لااكونن من الخاسرين )) وفكرت وعقب ياتني هالفكره فقلت خلني اكتبهااا ,, عسب نشجع بعض والكل يطبقها وبكذا ناخذ اجر,, ياليت اشووووف الكل يطبقهاا لان مابقى شي يستاهل ان نراكض وراااه غير ديناا واخرتناا .,,,.
يلا نروح للفكره 
.
مثل ماتعرفون ان القران 30 جزء
وعدد صفحاته تقريبا 600 صفحه ,, يعني 600 صفحه ÷ 30 يومـ = 20 صفحه يومياً
طيب 20 صفحه يوميا ÷ 5 صلوات = 4 صفحات بعد كل صلاة
فقط أربع صفحات بعد كل صلاة والنتيجه = ختم القرآن الكريمـ
طبعا هالطريقه خذيتها من النت
وصلنا الحين للفكر الاساسيه ,,
الفكره هي ان نتفق نطبق الكلام اللي فوق وكل وحده تخلص تدخل وتخبرنا انها خلصت الــ 20 صفحه فاليوم واذا استمرينااا بنختم القران في شهر واااحد انشاء الله ,, وبجي بنكوون تعاونا على ختم القران بتشجيعنا لبعض ..
اتمنى اني اشووف عدد كبير من المطبقات للفكره وانشاء الله ان الموضووع مايوقف من الردود اللي تكون فيهااا بشاره انكم قريتو فاليوم 20 صفحه ,, والله يعينا على ذكره وشكره
,, اللهم اجعل القراءن ربيع قلوبناا ,,
اختكم الصغيره : همس الربيع
ملاحظة : اختي الغالية انتبهي واكتبي: " ان شاء الله " وليس " انشاء " لان في فرق كبير في المعنى
ولكي مني جزيل الشكر
ربي يجعلها ف ميزان حسناااتج
بس ماشفت حد يبا يطبق
المهم انا بديت من عقب صلاة الفير يلا منو بيبدا ويكمل وياي ؟؟
ومشكووره اختي sugar عالتنبيه وان شاء الله دوم بكتبها جي ,, يزاج الله خير .
وفميزان حسناااااااااتج ان شاء الله والله يوفقج يارب ويسهل امورج الغاليه