اشحالكن؟؟؟ خواتي انا ماكتبت هالموضوع الا وانا ضاااااااااااايجه بي الدنيا وحاسه ان قلبي يحترق من داخله اسمعوا سالفتي وطولن بالكن عليه شوي …
خواتي انا عندي الوالد متزوج حرمه ثانيه غير امايه و اخس منها ماشي المهم هاي لو تعرفن كلمة فقر شوي عليها ما اقصد اعيّب والله بس ابي اوصل لكن الموضوع باللي اقدر عليه …. المهم وابوي انسان له مكانته الأجتماعيه ومعروف ع مستوى وللعلم هي مش مواطنه خطبها وطبعاااااااااااااااااااا وافقوا و خصه انه مواطن وانا ما اطيق حرمته خييييييييييير شر بتقولن وين الموضوع
الموضوع ربي يعافيكن انه ابوي كان دوووووووومه يتذمر و دووووومه يتكلم عن ريال وموووووووووووووول مب يايزله هالأنسان ولين امسات كان يذمه مب ان ابويه شايف عمرة لكن ابويه عنده الريال بمواصفات معينه ماتوفرت به هالمواصفات يعني هو مذموووم عنده ,, الغريبه ان اهل الريال حرمته و واحد من عياله ياين عندنا البارحه ,,,,,,,,,, بدت السالفه توضح لكن على ما اعتقد ……. ولين امسات نحن مب فاهمين الموضوع تحريناها زيارة عاديه ودشت الأم حجرتيه تشوف على ما اظن وما اخليها بذمتيه المستوى المعيشي اللي انا عايشته ……. المهم راحوا ,,
اليوم انا اشوف البيت كله مساسر ابويه و يا امايه ومن ايي يسكتون المهم كلمت اخويه العود وهو الأكثر انسان قريب مني وسألته بلاها امايه مب طبيعيه يقول لي لا عادي ما فيها شي يوم زنيت عليه قال لي يابنت الناس امسات يايينكم ضيوف وقالت له هيه قال لي ان ابو الولد اللي ياب امه اامس و يلس ويا ابويه يبا يخطبج لولده!!!!!!!!!!!!!!!!!!!!!!!!! انا هنيه ولعت اللمبه فرأسي …… جان اقول لأخوييه هو ابويه ليش مايا يرمسني ليش مطرشنك انت !! جان يقول لي لا هو زايغ تحطين فبالج انه يبا الفكه منج (( بيني وبينكن ها اللي يا فبالي على طوووووووووووووول)) بقولكن بعدين ليش … المهم قلت لأخويه غرييييييييبه مب هو ها الأبو اللي كان ابويه طايح فيه سب وشتيمه و مسخرة انه مب اوكي شو اللي حال على ابويه الحين يبا يزوجني لولده !! الحين عرفتن ليش هاك الشي يا فبالي على طول ولا انسان يلس يذمه طوووووووووول ما انا مفتحه ع هالدنيا والحين بكل سهوله مطرش امايه و اخويه يشوف رأيي !!!!!!!! عجب
بصراحه انا هاللي ضايقني وحسيت اني ثجيله على ابويه يعني هو تزوج وحده بالمواصفات اللي ذكرتها لكن وانا وحيدته ماعنده غيري بنيه يزوجني واحد مثل هالشخص لو اني ماكنت سامعه بإذني ان ابويه كان يذمه ما كنت بقول هالكلام لكن انا متأكده كان مووووووووووووول مايدانيه ويكرهه كيف الحين إحلو بعينه
واااااااااايد ضايجه لأني بصدق حاسه ان ابويه يبا يبيعني وخصه انهم يبون الرد باجر شو الي باجر استهبااااااااال انا موووووووول مب مرتاحه ولا تقون لي صلي الأستخارة لأني والله ياخواتي هب مرتاحه
اتريا ردودكن شو رايكن لو انتن بمكاني شو بتسون وشو رايكن بأبوي ؟؟؟؟ جد قاهرني وضايجه منه
لمفروض البنت تفرح لما حد يخطبها
انزين اختي يمكن الولد اوكي ما فيه شي
ويمكن بعد ابو الولد ما في شي بس ابوج مثلا تعيبه تصرفاته
ثاني شي انتي قوليلهم انج تبين تفكرين وبتردين عليهم الخبر بعد كم يوم يعني ما يصيرؤ خبط لزق
قوبعد روحي لأبوج ويلسي وياه وقوليله عن هالريال وليش غير رأيه فيه وشو فيه بالضبط
وخلي اخوج يسأل عن الولد يمكن الولد أخلاق وانتي ما تدرين
لا تردين عليهم انج موب موافقة
لازم تتري شوي
الله يوفقج ان شاء الله وخبرينا شو بيصير لج اختي
موفقة
صلي الاستخارة والله يقدم الي فيه الخير
لأن مب شرط هالريال مب زين يمكن ابوج ايشوف جوانب من وجهة نظره مب زينه
ويمكن فيهم صفات الناس يتمنونها
سألي عن الولد وخلي اخوج يسأل ولا تردين عليهم باجر
ولا تحطين فكرة ابوج في بالج
الله يسعدج وايهنيج ويكتب لج الخير يارب
كللللوووووووووووووووووووووش
بالبركه مقدما
مع انه مرته طلعها من بيئه ماكانت تتصور تطلع منها وشافت الخير بكل ابوابه وانا يبا يفرني هالفره والولد اخويه اكييييييييييد بيسأل عنه بس شو الفايده دامني مب مرتاحه وانا اللي اعرفه ان الأستخاره اذا فيه بقلبج ذرة موافقه بس انا لااااااااااااااااااا وامايه زعلانه تبا تشوفني عروس وفي نفس الوقت مب مرتاحه لأم الولد
صدق ضاااااااااااااايج خلقي