ما توقعت اني بكتب مشكلة عن دوامي لأني ماصدقت اشتغلت في هالمكان 
انا الحمدالله مرتااااحة في الدوام ومسؤولي وااايد زين ومتفهم فوق هذا دوووم يشكرنا على مجهودنا
اليوم طلب مني اتصل على موظف في دائرة ثانية واسأله ان يعطيني بيانات المهم اتصلت عليه ومارد علي وانا قلت احتمال يصلي وبرد اتصل فيه عقب 5 دقايق
سرت عند مديري اراجعه بمعاملة وسألني كلمتي فلان انا قلت له اتصلت ومارد علي وعقب الموظف إللي معاي قال انا اتصلت على فلان وبعد مارد علي هم في نفس القسم
مديري قال حتى انا اتصل ومايردون علي وكم من واحد قالوا لي انهم مايردون اتصل على موبايلهم ورد واحد منهم وقال نسقوا من ناحية الرد على التليفونات يعني إذا حد انشغل الثاني يرد وعقب قال فلانه اتصلت ( إللي هي انا) ومارديت عليها بخليها تتصل فيك وعطها المعلومات
رديت اتصلت فيه وكان متغير عرفت انه تضايج بس انا مافتنت عليه مديري سألني إذا كلمته وانا رديت عليه اني اتصلت ومارد علي يعني على نياتي
عقب اتصل الموظف الثاني وقال لي يافلانة انتي سرتي عند المدير وقلتي ان نحن كلنا مانرد على المكالمات انا انصدمت وقلت له لا مديري سألني إذا كلمتكم وانا قلت له اتصلت ومارديتوا بس مب انا إللي سرت عند المدير اقول له ( يعني هم خذوا فكرة اني انا إللي خبرت المدير عنهم 
) وانا وحليلي مااحب المشاكل وعمري ما سويت مشكلة والكل في الدوام يحبوني لاني طيبة حتى المدير عمره ماعصب علي الحمدالله
ماادري اخبر المدير ان صار سؤ فهم وانهم يتحرون اني مشتكيه عليهم لان حرررام ياخذون عني فكرة غلط
والسموحة طولت عليكم
وانتي طبعا مب من هالنوع ,,, من وجهة نظري لو فاتحج الريال الموضوع او نغزج بكلمه ردي عليه وفهميه
عيبه كيفه ماعيبه برايه
بس انسي ولا عليج انتي واثقه من نفسج ,,, ولازم يصير سوء فهم
المشاركة الأصلية كتبت بواسطة only U 
وانتي طبعا مب من هالنوع ,,, من وجهة نظري لو فاتحج الريال الموضوع او نغزج بكلمه ردي عليه وفهميه
عيبه كيفه ماعيبه برايه
بس انسي ولا عليج انتي واثقه من نفسج ,,, ولازم يصير سوء فهم
الغالية مشكووورة على ردج لأني صج تضايجت حتى يوم سألني تحريت اني من CNN و BBC
وكلامج صح لو خبرت مديري بيتحروني اوصل الكلام المشكلة اني اتعامل مع واحد فيهم من القسم لأن العمل مشترك وهو تضايج وانا ما احب اضايج حد ضميري وااايد يأنبني
هاي من الامور البسيطة اللي تصير يوميا
وسوء الفهم وارد جدا .. فـ عااااااادي
وانتي فهمتيه يوم اتصل بج .. و خبرتيه ان مب انتي اللي خبرتي المدير
عاد اذا هو مصدق مشكلته
لا تحاتين حبيبتي ولا على بالج
وموفقة يااارب
وانـمآ الاعمال بالنيات .. وانتي اتعرفين شو بـ نيتج وخـلآلآص ..
ماعليـــج منـهم ! خليــهم عنج وانتي ما عليج الا بشغلج
ولا اتخبرين المدير ولا شيآته .. مثل ما قالت الاخت جي بتكـبر السالفه
ورـبي يحفظج من كـل شر !!
عادي أختي الي استوى ما هو شي كبير
وانتي بس كنتي صادقـة ونيتج زينة
وربي يقدم لج الي فيه الخير ^^