عسى الكل مرتاااح ومستانس^^
طبعااا زي كل البنات كل وحده تتمنى يوم بترتبط تربط بريال يحطها على راسه وفي عنونه وتحس بقدرها عنده وهذا الي يبين في افعاله.
وانا عن نفسي من يوم ما ستملكت وانا احس ريلي مايبينلي انه يقدرني او انه حتى يباني والمشكله بكبرها كم موقف صار وهو يقول انه بعده متمسك فيني مع انه يوم اكون معاه او اكلمه احسه يتهرب مني واحس ببرود من ناحيته حتى اني صرت احس انه يمكن انا غلطاانه سويتله شي مع اني ما اكلمه الا نادرا وما اشوفه الا نااادر النادر يعني من تصرفاااته هذي احس اصلا ليش ما خذني زيااده عدد ويوم اسئله ليش ما تسئل يقول مشغول مع شباب وصار تتش معاه اكثر من مره من سبه هالموضوع وبعدين قررت انا انا الي ابادر >>>بلا ثقل ولاهم يحزنون|| صرت اطرشله مسجات واكتبها من خاطري عسى الاقي منه الي يسعدني ويرضيني او حتى يريحني واطمن اني بعيش مع من يسعدني واحس بحبه لي وشو الي اذا رد علي يرد علي برد جارح وبارد او يحقرهم ومايرد من بعدها صرت احس بنفسي ببرود انا الثانيه لدرجه كل الي حوليني يقولولي انتي تغيرتي صرتي باارده صرت احس بالهم فكل احوالي فقررت اني ادقله دقيتله لاكثر من مره يحاول انه يسكر من عندي بسرعه لدرجه اخر مره اول ما دقيت قالي بكلمج بعدين وطبعاا لا خبر ولا شي بعدها وزدت في ضيقتي ضيقه. ويوم البس او اكشخ عنده مب وايد بس خفيف يقولي ليش انتي كاشخه صرت احس اني مهمله وهذا انا بعدني ماعرست اريده انسان يحسسني اني بنيه يعاملني بكل انوثتي ما يحقرني ولا يردني.. ودي لو الاقي الحل منكم مع العلم اني كلمته اكثر من مره والاهل بعد ماقصروا بعد ماشافو حالتي فشو اسوي؟؟!
حبوبه يمكن هو مغصووب انه ياخذج .. انتي صلي و جوفي لو انتي مب مرتاحه وياه خلاص ..
حرام تعرسيين و جي يعاملج بعد العرس
في احتماال يمكن يتغير بعد ما تعرسون ..
الله يهنيكم و اناشاءالله الاوضاع بتتعدل .. لا تحاتيين ادعي ربج و الله بيوفقج
اختي يمكن الريال مب مقتنع فيج
مب لإنج مب حلوة لااا ,, بس شوفي هو شو الي براسه
أفعاله ماتطمن ,, وردة فعله مب زينة
يمكن هو يستحي ؟ بس انتي قلتي يرد عليج ردود جارحة ,, عاد وين المستحى !
رايي تقعدين مع نفسج جلسة وراجعي كل شي ,, استخيري مرة واثنين ,, واذا فيه خير حقج رب العالمين بيسره لج
ولا تكتفين بالاستخارة غاليتي , صلي قيام الليل وادعي رب العالمين في جوف الليل بيكون قريب منج ويستجيب دعاءج
وأكثري من الاستغفار
وربي يحنن قلبه عليج
الله كريم
ياريت تتخذين القرار الصحيح بخصوصه وتصلين صلاة لإستخاره مره ومرتين وثلاث
والله يوفقج
المشاركة الأصلية كتبت بواسطة bellegirl 
اختي يمكن الريال مب مقتنع فيج
مب لإنج مب حلوة لااا ,, بس شوفي هو شو الي براسه
أفعاله ماتطمن ,, وردة فعله مب زينة
يمكن هو يستحي ؟ بس انتي قلتي يرد عليج ردود جارحة ,, عاد وين المستحى !
رايي تقعدين مع نفسج جلسة وراجعي كل شي ,, استخيري مرة واثنين ,, واذا فيه خير حقج رب العالمين بيسره لج
ولا تكتفين بالاستخارة غاليتي , صلي قيام الليل وادعي رب العالمين في جوف الليل بيكون قريب منج ويستجيب دعاءج
وأكثري من الاستغفار
وربي يحنن قلبه عليج
الله كريم