السلام عليكم ابي اعرف متى يبدأ التسجيل في الروضة حق السنه اليايه لانه اول طفل لي وماعرف يا ريت لو حد يساعدني ويشرح لي كيف وشو الاوراق المطلوبة وشهر كم التسجيل أخاف يطوف الموعد وانا ما عرف
شو محد يعرف اي شي
على حسب المدرسة اذا خاص ولا حكومي
الحكومي يعلنون فالجريدة اكثر شي شهر 4
الخاص كل مدرسة بروحها تحدد
في مدارس ف 1 وفي مدارس ف 2 وفي 3
انتي لازم ادقين للمدرسة اللي حابه تسجلين فيها وتسالينهم متى التسجيل بيبدا
انا عني زهبت الاوراق لكذا مدرسة حطيتهم في بالي ووزعت الاوراق على المدارس
في مدارس تطلب جواز الطفل بس وفي جواز الابو
خلاصة القيد
شهادة الميلاد
شهادة التطعيمات
صور شخصية للطفل
في مدرسة طلبت شهادة لمن يهمه الامر وين كان الطالب يدرس قبل بنتي كانت حضانه
في مدارس تحتاج رسوم تسجيل وفي ماياخذون طبعا مايرجعون المبلغ لو مانقبل الطالب
الاوراق لازم تطبعينها من موقع المدرسة كاملة وتعبين الطلب فالبيت وفي اوراق حق صحة الطفل تعبين اذا بخير او عنده مشاكل اتيبين تقرير طبي ..سالفه
هالاشياء اللي اذكرها حاليا ..
وفي مدارس تحتاج مقابله و مدارس مايحتاجون ..
مشكوره ياام كنه وماقصرتي والله يجزاج خير كفيتي وفيتي
يبدون تسجيل من شهر 4