بنات انا في الثلاثين من عمري من دشيت الثلاثين بدت بعض الامور تظهر على ويهي واتوقع انه بسبب العمر والارهاق مثل ترهل اسفل الذقن بسيط مع اني مب متينة الحمد لله وزني زين … ومشكلة ترهل بسيط بالجبهة … سألت بعض الناس عن الحلول فنصحوني بحقن اعلى الجبهه واسفل الذقن المشكلة اني اخاف موووت واحاتي ان عقب فترة يرد يترهل واتم طول حياتي ادقدق ابر
المشكلة ان كل اللي يشوفني يعلق على هالشيئين معناته الشيء هذا واضح فيني
منو كان عنده هالمشكلتين وكيف عالجهم
سوي بوتكس هذا هو الحل الوحيد.
حبيبتي كان عندي نفس مشكلتك ومع كريم لوريال فيكس من اول استعمال وجهك يشد تونا صغار عالابر الكريمات وايد مفيده كلميني خاص اطرشلك صورة الكريم اخدتو من الجمعيه ب 68 درهم وان شاء الله تشوفي النتيجه على طول
البوتكس الحل الوحيد لانه الكريمات بهالحاله ماراح تفيدج
المشاركة الأصلية كتبت بواسطة warda jouri 
حبيبتي كان عندي نفس مشكلتك ومع كريم لوريال فيكس من اول استعمال وجهك يشد تونا صغار عالابر الكريمات وايد مفيده كلميني خاص اطرشلك صورة الكريم اخدتو من الجمعيه ب 68 درهم وان شاء الله تشوفي النتيجه على طول
الكريمات لو بمليون بعد ماتنفع لاتصدقين
افضل شي البوتكس او الفيلر وعندج بعد ابرة انفرتيتي وايد يمدحونها تسويها الدكتورة جيهان بدبي