تخـــيلي … عندج ربيعة عزيزة وغالية … ربيعة الطفولة ومن الاهل .. تعزينها وتتمنين لها كل خير
تدعين لها بظهر الغيب وتتمنين تلتقين بها كلما قدرتي .. وهي تبادلج
بس يي يوم …………!!!!!!!
تبوح الي بخاطرها لج .. وتقول انج اذيتيها باسلوبج ….!! رغم انج تحبينها وتحترمينها
تقول انها طفرت منج رغم ان الكل يشهد لعلاقتكم مع بعض !!
تقول انج ماتبين لها الخير !! رغم انج تضيعين وايد مواعيد وتحاولين بس عشان
تيلسين وياها وتستانسين ..
لدرجة انها يوم تشوفج ماتسلم عليج .. وتضحك تراويج انه مالج اي اهمية !!
ماقول غير ياخسااااارة العشرة الي بينا ؟؟
اذا مريتي بهالموقف ياترى شو بتكون ردة فعلج ؟؟
هل كلن بدربه …؟؟ ولا كيف ؟؟
سبحان مغير الاحوال !!
بس احاول اوصل لحل وسط مرات اخذها عقد عقلها احتراما للعشره والايام الحلوة
واذا مصختها ابتعد فتره عنها عشان اتعرف كيف الحياه بدونى
المثل يقول (اذا ودك بغلا ابعد)
انا وبنت اختي ……. كنت وااااايد واااااااااايد احبها … انا اكبر عنها بسنه بس …..
وكنا مع بعض ….. وعشره عمر ….. قبل سنتين اتغيرت علي !!
ويوم انخطبت ماخبرتني لين ماملجت! عرفت بالصدفة حالي حال الغرب!!
اممم واتضايقت وصحت بعد!!
وعرست وقلت مابحضر عرسها بس حضرت ….. وحتى يوم دشت القاعه دموعي نزلت غصبا عني!!
لأني كنت صدق أغليها والكل يشهد بعلاقتنا بعضََ!! والكل كان يقول هذيل مايصبرون عن بعض!!
والحين هي ماشاءالله حامل ( وبعد ماعرفت الا آخر شي )…
بصراحه ماعرف شو اقول!
غير الله يوفقها في حياتها
ومثل ما انا مالي اي اهميه في حياتها!
الحين هي بعد ماتهمني ……
اذا شفتها اسلم وهي نفس الشيء…….
ماعرف شو اقولج بصراحه!!!!
الصداقه عمله نادره هالايام 
المشاركة الأصلية كتبت بواسطة ^حلـى قلبـي^ 
الصداقه عمله نادره هالايام
صدقتي غناتي
كنت ربيعتها الوحيدة !! كنت وكنت وكنت بس هاليومين كل شي تغير ..وانا من صوبي لازم اجبر عمري واغير كل شي وياها
انا تضايقت منها وااايد ..
.. بس والله العشرة الي بينا ماتهون
والي بسويه اني ببعد عنها واذا جبرتنا الظروف نلتقي … بسلم عليها وكل شي بيكون سطحي
وان حدث وصار ما اقول غير حسبي الله ونصيري
والاجر ما يضيع والبر ما ينسى
الله يصبرني بعاملها بالطيب ولكن ما بعق الميانه وذلك فقط عشان لا اجرحها