السلام عليكم ورحمة الله وبركاته
ابا اخذ رايكم فموضوع وهو ان البنت اذا تبا تقص شعرها لازم تشاور اهلها ؟؟!!
انا اشوفها حريه شخصيه بس الأهل عندنا لا و الف لا لازم نشاورهم ويسوون اجتماع وبعدين يردون عليج بالموافقه ولا لأ
بس انا كسرت هالحاجز ورحت الصالون وقصيت شعري وتمت امي مبوزه وعقب راضيتها بس ماقتنعت بكلامي
انتو شو رايكم في الموضوع؟!
يمكن فنظركم هالموضوع تافه بس شاركوني بارائكم
سمحلي ماعاها حق امج تزعل باجر يوم تيبين بنات ماياخذن شورج بقصن شعرهن على كيفهن و بتعصبين وسموحه منج اذا كلامي قوي عليج
عيل البنات بيختربون جذه اليوم الشعر وباجر الحواجب والله العالم شو بعد بيطلع اذا ما شورنا اهالينا
والسموووووووحه اختي
يعني الولد لما يروح يتحلق مايااخذ شور حد ليش هالتفرقه ؟؟
ولا دخلون الحواجب وغيرها والخ…..
وهل هي كبيرة تشتغل مستقلة يعني ولا كيف
مب بنت 15 تروح تقص شعرها لازم شور اهلها
انا مرة قصيت شعري و قبل ما اقص خبرتها
قلت لها تمللت من شعري المتقصف ظهرت مليون الف عيب هههه بس عسب اقصه وعادي
في اشياء لازم نشاور اهلنا فيها و في اشياء احس مب لازم نشاور يعتمد ع طريقتج في تعويد اهلج ع اشياء معينه
بالعكس انا واااااااااااااااااااااااااااااااااايد حنيت على امايه بس كانت كله تقول لأ وشعري كان طويييييييييييييييييييييييييييييييييييييل وصبغته واخترب واستوا شرات شعر الخروف عزكن الله ماخليت شي ماجربته كل انواع الزيوت والبلسم ماشي فايده والله مت قهر وهالسبب اللي خلاني اقصه غصبآ عني