♣ شحالكم ؟♣
عساكم الا بخير وسهاله ؟
,,
اليوم حابه ..
استفسر من الموظفات ..
كم عبايه تفصلين للدوام ؟وشو احسن قطعه تكد ؟
كم جوتي او نعال ؟
كم شنطه ؟
كم نقاب لو تتنقبين ؟؟
طبعا خاطري اعرف ..
وشو اخذ بالجنطه وياي .. من الاحتياط والاشياء اللي بحتايها .. لان بداون بمكتب ..
باذن الله ..
انا عن نفسي ليش مصره ومصممه اخذ
5 عبي
5 جواتي
5 شنط
3 نقابات < < ياخي خاطري بنقاب مرتب ومريح !
,,,
وانا سويت لي عبايتين احينه ساده بس قصه مرتبه وعمليه ..
وخذيت لي شنط ( سودا ) مع ان البني بعد عملي بس مادري شو فيني كله اسود باسود
وخذت لي جواتي سودا بعد وعمليه وايد … احب اكون سمبل.. خصوصا نقاب وربشه
بتلوع جبد اللي جدامي خخخخخخخ .. وثانيا مكان دوام يعني مايحتاي هالسوالف …
وان شاء الله بنزل لكم صور العبي والشنط كلها وووالنعله
بس بحط كمن صوره لو تشجعت بحط لكم الباجي ان شاء الله …
طبعا وبحط لكم طريقه لبس النقاب بشكل محتشم ,, ومرتب ,,
بس لو ظبطت اللي ببالي بنزله .. طبعا لازم اشتري شغلات ومن اشتريها بحط لكمم
بالصور ,علمتني اياها وحده بس مادري لو بيظهر مرتب علي والالا
لان انا عقدتي النقاب ومادانيه لان شكلي يصير فيه جني طلابه
المهم ابى رايكم وشو تحسون 5 عبي تسد ؟ والا بس عباتين ؟
.,,
طبعا انا مصوره جنطين ونعالين
وكل جنطه بلبس مع النعال اللي يناسبها بمعنى اخر
في جنطه فيها لون فظي ونعال فيه كرستال فظي بلبسه وياه
وفي نعال الحديد ماله فضي يناسب الجنطه الثانيه وفيه لمعه بسيطه سوده تناسب الجنطه
بس التصوير ظالم الجنطه ومب مبينه عدل
المهم يكون شي سمبل ومرتب ..
بلبسه مع هالشنطه
هي حلوه واااايد بس الله يهدي التصوير
,,
وهالنعال بلبس ويى هالشنطه
حتى سويج سيارتي حطيت له ميداليه حلوه خخ ابيظ واسود تعقدت خخخ
انا احب استايل الجنط الكبار .. ~
هالنعال الكعب
للحين مالبسته .. بس اخاف يسوي صوت بالدوام من جيه قلت برايه مابلبسه .. بس خاطري البس كعب هيهيهي
ملاحظه:
أنا روحي ماعرف متى بتوظف !!!
بس منقهره من مديرتي مادقت للحين هيهيهي
مجهزه الدوا قبل الفلعه ههههههههههههـ
♣يحفظكم ربي♣
و الله يرزقج بالوظيفة اللي تتمنين
بس الله يهدي المديره للحين مادقت لي
هيهيهيهي
ذلتني خخ
الله يرزقج بالوظيفه عاجلا غير اجل …
لاتستعيلين قبلج كنت ااحن علي الوظيفه والحين خخخخخ اشتقت الايام الراحه والبطاله لووووووول ^^
تدرين انا بعد خاطري امشي علي استايل معين في الدوام من نااحية العبي والبس والهانق باق وغيره …
ان شالله نستفيد من البنات ^^
انا مجربه الشغل قبل هههههههههههههه
وسبحان الله كل ماطلع من وظيفه واستلم وظيفه ثانيه لازم تكون تبع الجوازات والكنسله
هذا نصيبي من الدنيا هههههههه
وجربت الدوام مرتين
كنسلت اول مره .. وقعدت فالبيت وياني اكنئياب نفسي خخخ بس كنسلت لان راتب الوظيفه مايكفي
وشفتات وارف واسباب وايده .. والشغل الثاني كان وايد صعب ونفسيا مب مرتاحه …
وهالدوام الثالث رديت لنفس المكان الاولى … يود مينونك عن اييك اين منه هههه ..
ومجربه الدوام وقلت متى الاجازه !! ويوم يت الاجازه قلت متى الدوام ؟!
محد راظي ههههههههه من جيه مابحن لايام البطاله نهائيا
كتبت سلبيات وايجابيات براسي ولاحظت ان الدوام ايجابياته اكثر .
ان شاء الله نستفيد من الموضوع =)
تسلمين ع المرور ياعسوله 
دوم فصلي وجددي
والشنط بعد بتحسين انج اتكررين وايد
خذي هاي لي تتعلق ف الايد
ونوعي ف الالوان بس الوان هاديه مب ملفته لو شغلج مختلط
شلي سن بلوك..كريم ايد صغير
جلوس.مرطب.قلم عيون.معقم.كلينكس معقم.الويز
عطر صغير.مشط.بودره لو ويهج دهني.اوكسجين الويه
اكلينكس عادي.منظره…اممم بعد بذكر
ومبروك عليج الوظيفه ياربي