ربكم الا بخير
اليوم حبيت أفتح هالتجمع لكل المحرومات اللي يعانن من الاجسام المضاده اللي تسبب الاجهاض وتأخر الحمل
حبايبي انا حملت مرتين واجهضت ولنفس السبب المذكور أعلاه وطبعا كانو يلعبون فيني ويجربون العلاجات البايخه اللي بدون فايده لين رحت تايلند وعرفت الحقيقة وخبرني الدمتور الخطة العلاجية اللي لازم اتبعها طبعا ف دبي عطوني العلاج ولكن بجرعات خطأ
حملي الأول بس كنت أخذ أسبرين وما نفع واجهضت
الحمل الثاني أخذت اسبرين وابر السيولة كلكسان 40 مج مرة باليوم ووزني كان 80 وطبعا تعتبر جرعة بسيطة ومانفع معاي واجهضت بالنهاية
حاليا راجعت دكتورة خبرتني بخطة علاج جديدة مدري شو رايكم واللي عندعا تجارب سابقة ياريت تفيديني
قالت لي قبل موعد الدورة الجديدة باسبوعين خذي ابر كلكسان وعقب الدورة تعالي بعطيج طلوميد وابر وبنشط المبيض وان شالله تحملين وتواصلين الكلكسان لين نعرف النتيجة اذا حمل او لا
شو رايكم هل في وحده منكم جربت هالطريقة ونفعتها لان الدكتورة فكرتها انها تنزل معدل الاجسام المضاده قبل حدوث الحمل عشان تهيأ الجسم
انتظركم بفارغ الصبر وياريت تشاركونا افكاركم
المشاركة الأصلية كتبت بواسطة الورق الاخضر 
اختي وقفي الكورتيزون
هذا مش حل
كل اللي بيسويه لج تشققاااااااااات على الجلد مثل تشققات الحمل لكن على مناطق اوسع
الحل كالكاسان واسبرين
واذا تبويضج ضعيف بيزيدون لج منشطات للمبيض
اما عن الاجهاض فماعتقد انه السبب
الاجسام المضادة تقتل الحيوانات المنوية لكن ماتسبب اجهاض
عندي الاجسام المضادة وعندي مشاكل في التبويض
خذت المنشطات اول شي كلوميد واستخدمته فترة في البداية يسير تبويض لكن ما يسير حمل
بعدين جسمي خذا مناعة من الكلوميد وسار مايستجيب له
بعدين خذت ابر مع كلوميد وماشي استجابة
قلت حق الدكتورة ماريد كلوميد ماييب معاي نتيجة
وقفته وسرت آخذ بس ابر وسارت استجابة من تبويض ولعدة اشهر لكن مايسير حمل
بعدين اكتشفت ان عندي الاجسام المضادة
فقلت خيرة بسوي اطفال انابيبوالحمدلله نجحت العملية
لكن ماعطوني كلكاسان بس منشطات وفوليك اسيد واسبرين اطفال
وبعد ترجيع الاجنة كله مثبتات لين الشهر الخامس ( تحاميل سايكلوجيت و حبوب دوفاستون،، بعد خذت ابر تثبيت ايام يسير نزف)
والحمدلله الله يبارك في ذريتي ويرزق كل محرومة مثل مارزقني*
