كثير منا نعاني من المسامات الواسعه في البشره ووايد ياخذ من جمالنا
.gif "12 (8)")
ولما نط مكياج حدث ولا حرج يبين اكثر.gif "12 (4)")
فهني كل وحده تكتب عن تجربتها عشان تفيد غيرها وتكسب الاجر .gif "12 (70)")
استخدمي غسول الوجه بد الصابون صباح مساء
خلطة الخميره مع العسل لتنضيف البشره كل اسبوع مره
و هي عباره عن ملعقتين خميره سريعه تذوب في قليل جدا من الما ء
حتى تحصلين على عجينه بدون حبيبات ثم اضيفي حوالي بع ملعقه عسل
و اخلطيهم الى ان يتكون مزيج كريمي ضعيه على الوجه لمدة ربع ساعه
ثم اغسليه بماء دافئ و ستشعرين بالفرق من اول مره
سعر الصغير منه 300 وشوي والكبير ب 450
https://im19.gulfup.com/2019-02-06/1328500899661.jpg
وقبل بعد جربت من كلينك وايد كان حلو بس مخلص من فتره بس قالت بييبون منه هالاسبوع هذا هو
https://im19.gulfup.com/2019-02-06/1328500649101.jpg
أخواتي ،، مرحبا ،،
سبق ووعدتكم جان تذكرون إني أنزل موضوع عن مسامات البشرة المزعجة وكيفية تغطيتها أولا ً ،
ومن ثم علاجها علاج تجميلي عن طريق الـ Makeup وحل جذري يقضي عليها عن طريق الكريمات ،
أدري يمكن طولت عليكم ، فاعذروني ، لأن دخولي ومروري بالقطاّرة ، بس أختكم هالأيام عندها هوس سياسي ،
لذلك جدا ً متأثرة ومتكدرة بالأوضاع المحيطة ، وخصوصا ً أوضاع حبايبنا بمصر ، عسى الله يفك عوقهم ، آمين
عموما ً ،
خل نبدأ بالموضوع ،
المسامات ، شكلها جدا ً مزعج ، يخرب شكل الوجه والميك أب عموما ً ،
لذلك علشان نحصل نتيجة حلوة لميك أبنا ، لا بد من إنا نحاول نغطي المسامات ،
التغطية تكون تجميلية ، ولا بد نعالجها ، حتى نقضي عليها بالكلية ،
لكن ،،
قبل لا نحاول نفكر بعلاجاتها ، لا بد نبحث عن المشكلة الأساسية لظهورها ؟؟؟
فهل المسامات مقتصرة على البشرة الدهنية فقط ؟؟؟؟
اممممم لا ،
طيب ، هل تظهر من التقدم بالعمر ؟؟؟؟
امممممم ممكن ، لكن ما يعتبر هالشي مشكلة رئيسية ،
انزين ، هل سنفرة البشرة بشكل مستمر ، يضر البشرة ويخلي المسامات تظهر ؟؟؟؟
اممممم ،، نعم ، لأن السنفرة لازم تكون أسبوعيا ً للبشرات الدهنية ، وكل 10 أيام للبشرات الحساسة والجافة ،
لأن كثرة استخدام السنفرة يضر ما ينفع ،
كذلك نوع السنفرة يؤثر على البشرة ، حاولي تكون السنفرة الخاصة للبشرة حبيباتها ناعمة بحيث ما تخدش البشرة ولا تجرحها أو تزيد من اتساع المسامات لو كان فيها مسامات ،
أوكي ، هل الجو أو الماي اللي تستخدمونه للبشرة له صلة بظهور المسامات ؟؟؟؟
نعم للأسف ، فجونا الحار جدا ً عامل مؤثر وكبير في ظهور المسامات ،
وكذلك الماي لأن معظم فترات السنة الماي يكون حار ، ومن المعروف أن الماي الحار يساعد على فتح مسامات البشرة ،
طبعا ً فيه أسباب ثانية ، منها علاجات البشرة ، وأذكر قبل لما كنت أعالج بشرتي من حب الشباب طلعت لي مسامات ، والحمدلله خفت بفضل الله ،
أنا عندي مبدأ ، إن ماكو مشكلة إلا ولها حل ،
فالحلول ولله الحمد كثيرة جدا ً ، والبدائل أكثر ،
من هالحلول :
1) عند غسيل البشرة بالماي ، حاولي يكون الماي بارد أو على الأقل فاتر ، وبعد غسيل البشرة ، لازم تحطين عليها تونيك ، علشان يسكر المسام ،
هالخطوة بنات جدا ً مهمة ،
2 ) قبل لا تطلعين برا البيت ، لازم تحطين كريم حماية من الشمس ، فالحماية تحمي البشرة من المؤثرات الجوية سواء كان شمس ، غبار ، أشعة فوق البنفسجية أو الحمراء أو حتى الكحلية ،
3 ) إذا كانت بشرتج دهنية ، حاولي بقدر الإمكان إنج تستخدمين مرطب خاص للبشرة الدهنية بحيث يوازن الدهون بالبشرة ، لأن طبقات الدهن ع البشرة تخلّي المسامات واضحة حتى لو ماكانت واضحة ، لذلك حاولي تخلينها مطفية ،
لذلك اللوك المطفي جدا ً مثالي للبنات اللي يعانون من مسامات ،
وأنصحج بالأوراق الخاصة بالدهون ، تكون معاج بالجنطة عساس تستخدمينها لامتصاص الدهون الزايدة من البشرة ،
4 ) لما تحطين ميك أب حاولي تبتعدين عن اللمعات والهايلات ، لأن اللمعة تبرز المسامات للأسف ،
5) فيه الحين مستحضرات موجودة في مراكز التجميل تساعد على إخفاء المسامات والآثار ، حتى لو كانت قوية ، ومنها The Porefessional من Benefit ،
https://im15.gulfup.com/2019-02-06/132850132671.jpg
هالمستحضر ما هو علاجي بنات ، لكن تجميلي ، يعني مفعولة مؤقت ،
تستخدمينه كـ بيس قبل الميك أب ، على المناطق المسامات ، وممكن تحطين طبقة وثنتين وثلاث لين توصلين للنتيجة اللي تبينها ،
وعقب تحطين أساسج ،
واللي حابة تعرف عن المستحضر أكثر ، ونتيجته وطريقته ، تبحث في اليوتيوب وبتلاقي الكثير من النتائج الحلوة ،
وعلى فكرة ترى أكو منتجات ثانية من ماركات ثانية ، لكن للأمانة ما عندي إلا هالمنتج وعن تجربة حبيت أقوله لكم ،
لكن فيه منتج من كريولان ، وأرخص من بنفت ، بس لأني ما جربته ما حبيت أذكره وعقب أتوهق معاكم ،
https://im15.gulfup.com/2019-02-06/1328501326142.jpg
البيس خطوة جدا ً مهمة ، للتخفيف من شكل المسامات ،
لكن ابتعدي عن البيس اللمعة ، حاولي يكون مطفي ، أو على الأقل يكون عادي بدون لمعة أو جليتر ،
لأن اللمعة مثل ما قلنا تبرز المسامات بشكل الواضح ، حتى لو كانت صغيرة وما تبين تبرزها ، فانتبهوا الله يبارك فيكم لهالنقطة
نجي الحين للأساس ،
بعد البيس لازم يكون الأساس ،
من الأساسات اللي تعطي كوفر حلو للبشرة ، أساسات ماركة cover fx ،
https://im15.gulfup.com/2019-02-06/1328501326403.jpg
ما أنصح ينحط على كل البشرة ، إلا اللي فيها آثار حب شباب ، أو بشرتها تعبانة ،
لأن البشرة اللي فيها مسامات ما تحتاج إلا حق لمسات منه على منطقة المسامات ، وعقب تحط كريم الأساس العادي ،
امممم ممكن تحطون كونسيلر ، خصوصا ً الكونسيلرات الكريمية الثقيلة ، مثل باليت كونسيلر Make Up For Ever أو Kryolan أو Mac أو أي كونيسيلر يعطيكم تغطية ترتاحون لها ،
طبعا ً أنا ذكرت هالماركات تحديدا ً لأن عندهم كذا نوع كونسيلر ، والكونسيلر اللي أقصده الكريمي الثقيل ،
بعد البيس والكونسيلر والأساس ، أكو خطوة مهمة ، جدا ً مهمة ، ألا وهي الباودر ،
البشرة اللي تعاني من مسامات ، البودرة اللي تناسبها اهي البودرة الحرة أو اللي يسمونها سائبة ، أو Loose Powder ،
واللي ما عندها Loose Powder ، مو مشكلة تستخدم البودرة اللي عندها ، بس لازم يكون توزيعها بفرشاة مو باسفنجة ،
.
.
بقى شغلة حلوة جربتها من فترة وحابة أقولكم عليها ، وهي علاج المسامات ،
كل اللي كتبته فوق هو عبارة عن علاج تجميلي ، ما هو علاج جذي للمشكلة ،
لكن ، فيه منتجات كثيرة لعلاج المسامات ، منها موجود ومتوفر بالخليج ،
ومن هالمستحضرات ،،
Idealis
Pore Minimizing Skin Refinisher
هالمنتج حيل حيل حلوووو ، قبل جربته وحسيت بجفاف ببشرتي ، لأن لا بد أحط فوقه كريم مرطب ، على أساس هو سيرم علاجي مو ترطيبي ،
لكن بما إن بشرتي دهنية ، فما حبيت أحط فوقه مرطب ، وعقب حماية ،
لأن أحس بشرتي جذي بتكون ثقيلة من الكريمات ،
لذلك اكتفيت بكريم الحماية فوقه ،
والله بشرتي غير الحمدلله ، صار لي تقريبا ً شهر إلا وأنا قاعدة أستخدمه ومواظبة عليه ،
جربوه إن شاء الله ما رح تندمون خصوصا ً للي تعاني من مسامات ،
منتج بينيفت اللي ع اليسار انا جربته تحت المكياج
ما بقول انه ممتاز 100% لكن بين 60 الى 70 %