تجربتي ويا اعشاب الجوهره

حبيت اقول كلمة الحق
الصراحه الاعشاب وايد نفعتني والله ثم والله هذا مب مدح ولا دعايه فعلا اول مره استخدم شي و ايب لي نتيجه صح اني ما كنت استخدمه باستمرار بس شفت نتيجه حلوه ب شعري و لله الحمد ألنتيجه مرضيه و ان شاء الله برجع اكمل

غريبة!
انا ما استفدت اي شي ياغير شعري صار جاف ويتم معفن وخايس 3ايام
لا كثف ولا وقف التساقط

إنتي كم كملتي عليه؟

اختي لافندر جد غريبة حطي طريقتج بالضبط اكيد انتي مخربطة وهو يجفف بس لاريحه خايسه بالعكس مافيه ريحه ريحة نظافة.. كيف طريقتج.؟؟ ومبروك لراعية الموضوع..

اَللَّهُمَّ يَا خَيْرٌ الغَافِرَيْنِ، وياخير الفَاتِحِينَ، وَيَا خَيْرٌ الرازقين، وَيَا خَيْرٌ المُحْسِنِينَ أَجْعَلُ أَمْرِي وَأُمِرُّ أحبتي وَالمُؤَمِّنِينَ كُلُّهُ خُيَرًا،. سَبِّحَانِّ الَّذِي إِذَا ذَكَرَتْهُ ذَكَرُكَ، وَإِنْ شَكَرْتِهُ زَادَكَ، وَإِنْ تَوَكَّلَتْ عَلَيْهِ كَفَّاكَ.. سُبْحَانَ اللهِ وَالحَمْدُ لله وَلَا إِلَهَ إِلَّا اللهُ وَاللهُ أَكْبَرُ.. اَللَّهُمَّ إِنْ كَثَّرْتُ ذنوبنآ فاغفرهآ وَإِنْ ظَهَرْتُ عيوبنآ فآسترهآ وَآنٌ زآدت همومنآ فآزلهآ وَآنٌ ضُلَّتْ آنفسنآ طريقهآ فرُدهآ آليكَ رَدًّا جميلاً ❤️

أقصد الفروة تكون خايسة واحسها لزجه ماافيه ريحه

أحط قلاصين ماي شرب وقفشة ونص من الاعشاب واسخنه وعقب اصبه على راسي

واخليه مفتوح لين ينشف

كملت شهر تقريبا مادري يمكن ما ناسبني انا

اختي بقولج الطريقة بالضبط انتي لازم اتسوينه يوميا وما تحطين ماي وشامبو الا كل 3 ايام مره يعني السبت والاحد والاثنين يوميا اعشاب والثلاثاء تغسلينه ماي وشامبو وبعد من ينشف اتحطين اعشاب والاربعاء والخميس والجمعه اعشاب والسبت ماي وشامبو والاعشاب كل يوم اتفورين ماي يديد واعشاب ومن يبرد تشطفين شعرج مع تطبيب نفس اتحسين فروة راسج اتشربتها وكل شعرج حتى الاطراف وتلمينه ماتخلينه مفتوح.. انا واثقه من منتجي واكيد خربطتي فديتج او في شي انتظر ردج ياعيوني.. واذا مخربطة وقرب يخلص عنج فالج طيب برسلج عينة من عندي تجربينها لعشرين يوم وتبان النتيجه .. عشرين يوم لشهر انا اتعاقد مع صالونات عمرهم الزباين ماشتكن ..