حبيت اليوم اطرح تجربتي في السكن بشقق رمادا برج خليفة
Ramada Downtown Burj Dubai
طبعا اغلب المواضيع تتكلم عن الفنادق الموجوده بهالمنطقه بس انا كنت ادور شقق
خص انه وياي بيبي ومحتايه مساحه شوي اوسع ومطبخ وجي …
المهم يلست اسوي search عن شقق فهالمنطقه … وشفت الانسب هالشقق
او بالاحرى مالقيت الا هاي … وللاسف مالقيت تجارب وايد فقلت بتوكل وبحجز ..
* الحجز من موقع booking
* كان سعر الشقه غرفه وصاله 800 درهم .. >> السعر في الفندق 1800 ( فرق كبير بين السعرين فالافضل دايما احجزو من النت )
* تجربتي كانت ممتازه الشقه حلوة ونظيفه …
( طبعا مب بمستوى فخامة الفندقين الي حذالها
فندق القصر + ذا ادريس بس حلوين ونظاف وايد وشقق يديده )
* الموقع ممتاز .. خذنا شقه مطله على النوافير الراقصة + دبي مول + سوق البحار + برج خليفة
* الشقق حذالها مره سبينس و صيدليه بوتس .. مثل ماتشوفون فالبروشور
.
.
هذا موقع الشقق بالنسبة للبرج ودبي مول والنوافير الراقصه
.
.
وهاي الصور .. ( مب من تصويري … بس نفس الشقه بالضبط الي خذناها )
اللوبي صغير لا يتناسب مع فخامة الغرف و محشور بالأثاث الذي لا يناسب صغر المساحة
هذا الفيو مال الشقه
غرفه النوم
الصاله
النص الثاني من الصاله واضح المطبخ وفيه كل مستلزمات المطبخ
الحمام كبير ..
مقسّم .. بس مب واضحه الصورة
المطعم تحت
من داخل
المسبح
مساحة لعب للاطفال
وشي صاله في الطابق الثاني مغلقه خاصه بالعاب الاطفال ..
1- موقع ممتاز 80% من الغرف لها اطلالة على برج دبي و النافورة الراقصة
2- خمس دقائق المسافة مابين مول دبي و موقع الشقق الفندقية
3- تنوع اشكال و أنواع غرفها بحيث تناسب شخص و عائلة مكونة من 10 افراد
هناك ابواب تصل مابين ( ستديو + غرفة مع صالة + غرفتين مع صالة = 4 غرف نوم = تسمى لدى الفندق هذه المجموعة
فاميلي يونيت ( السكن العائلي ) ( طبعا مع الصالتين و الحمامات )
4- وجود مقهى مع اطلالة ساحرة خارجية و منطقة لألعاب الاطفال
5- صالة مغلقة بها العاب للأطفال
6- كل غرف النوم رئيسية ( يعني حمامها داخل الشقة )
7- الاسعار المنافسة
.
.
هاي تجربتي مع الفندق .. واشكر الاخ الي نقلت الصور منه لنه وفر علي تحميل الصور ^_^ …
حطيت تجربتي عشان الكل يستفيد خص انه ماشي مواضيع عن الشقق
الموجوده فالداون تاون ..
.
.
سلامي
تسلمين…..~
ان شاء الله يكون لنا نصيب بزيارته
وانا ارتاح فالشقق اكثر
اهم شي استانستي
ان شاءالله استانستي؟^^