خواتي الهدف من انه احط مواضيعي ف هالقسم انه ابا افيد اكبر عدد من البنات لي يعانن من المشكله شراتي . .
ها رابط موضوع حطيته اهنيه عقب ماسويته وجربته ع روحي . .
بس قبل مابدااا ابي شي حبيت تدعولي باللي اتمناااه وكل عام وانتو بخير بمناسبة السنه اليديده
نبد بسم الله
سرت العياده انا واختيه عند اخصائية بشره وهيه كانت تتعالج عندها وانا مخلصه عسب الحبوب
وغيره . . المهم دااار هالحوار بيني وبين الدكتوره . .
أغليك : دكتوره شسالفه تظهرلي حبة حبتين انا مابا جي خخخـ ع كيفي
الدكتوره : ماعليه هالحبوب تروح وتيي هب مشكله
أغليك : أهااا اوكيه هب مشكله بس كل ماتظهرلي حبه ع طول أسكنول ليمون بقطنه عليهاا شوي شوي . .
الدكتوره : هيه جي اوكي بعد اتخوز الحبه
ومن عقب هالشي أغليك تمت سأكته
الدكتوره : اناااا مب عاجبني السواد لي تحت عيونك بالمره
أغليك : شو اسوي دكتوره كل يوم امسح بماي ورد ومن هالسوالف ماحسه يخف
الدكتوره : انا بكتبلج كريم يخوزهن ف 3 شهور بس لازم اتواااظبين عليه
أغليك : أوكيه هب مشكله المهم هالهالات السودااا لي ملعوزتني اتروح
من عقبهاااا قلتلهااا دكتوره تقريبا سعره غالي قالتلي تقريبا
الكريم أسمه :neostrata bionic eye cream
الصناعه : أمريكيه
السعر : 180 درهم
المكان : تلقينه ف الصيدليات دوريه
الصوره :
ملاحظه: كل يوم اتحطين منه نقطه ولا نقطتين بس وتمسحين تحت العين . . اهم شي للسهر لا لانه الحين اعدل رقادي الساعه 10 تلقوني راقده . .
وثاني شي كثرو من الماي الفواكه والعصاير الطبيعيه والله انه
الهااالات عندي خفن بس هب وايد لاني مكمله الحين اظني تقريبا اسبوعين
ممم وخلصنا الموضوع
دعواتكن لي . .
وأي سؤال تراني حاضره
بنات 7 مشاهدات بس وحده ردت =(
سبحان الله اليوك كنت باسالج شو استوى على كريم الهالات وشو اخباره وياج. والحين انت نزلتي الموضوع
الحمدلله انج حاسه بفرق من استخدمتيه وعدلتي رقادج.
المنتج هذا قريت عنه في اكثر من مكان وصدق كل اللي كاتبين عنه يمدحونه لين الحين ماقريت عن وحده ما نفعها.
المهم كمليه لين مايخلص ولاتكسلين
بعدين يا بنات لاتقولون غالي تراكم تدفعون هالاسعار في فاونديشن ومكياج وهالخرابيط لكن هذا شي طبي وانت محتاجه له فلا تبخلين على عمرج. (. كله ولا البخل في الكريمات والعلاجات) انا ممكن ايلس ٤ او ٦ شهور ما اشتري لي مكياج بس ما اروم ايلس المده هاي كلها ما اشتري شي حق بشرتي*
المشاااهداات اكثر عن الردود =(
المهم صدقج والله انا بعد جي شراااتج عادي ايلس بدون مكيااج كم شهر ف المناسبات احط بس غيره نووو حدي واقي شمس ومرطب الشفايف لااانه فعلا المكياج يدمر البشره فلازم لها عنايه غير انه يأثر ع الهالات السودااا . .
واايد تعيبني المنتجات الامريكيه احس لهاا مفعوول . . جربوه بنات مابتندمون وادعولي