تبين تعقيم+نظافه+شد وتضويق+تفتيح وفوق هذا كله طبيعي ومتوفر فالبيت؟ عيل اتفضلي عندي

شحالكن خواتي..؟؟؟

اليوم انا يايبتلكن طريقه رووووووعه،، ماخذتنها من منتدى ثاني وطبقتها على نفسي قبل ويوم شفت النتيجه فرحت وقلت لااااااازم افيد خواتي في منتدانا الحبيب

المهم هاي الطريقه تنفع للمعرسات وللبنوتات الحلوات،، يعني لا تخافون..

وفايدتها مثل ما ذكرت في العنوان،،

×تعقيم
×نظافه وريحه حلوووة
×شد وتضويق ((طبعا للمتزوجات))
×تفتيح المنطقة

وللمعرسات بتلاحظن الفرق عقب فترة بسيطه من الاستخدام ((فهمتن علييه اكييد))

المهم نيي للأهم.. المكونات موجودة في كل بيت على ما اعتقد.. يعني سهله وما يبالها شيء…

1_ (3 حبات من المرة) ..

2_ (ديتول الاخضر للعنايه الشخصيه) ..

3_ (ماء دافىء لإذابة المر،، تقريباً مقدار كوبين ماء) ..

4_ (بخاخ فاضي ينباع عند دايسو وقوم بو ريالين)

**واللي تحب تضيف ملح فارسي،، تضيفه للماي وهو بعده دافيء عشان يذوب زين وتراه ما بيضر لانه الملح معروفه فايدته..
بس اضافته اختياريه حسب اللي تبونه..

وبس…………….

اولاً: ذوبي المر في الماي الدافيء وغطيه عشان يفج..

ثانياً: صبي مقدار نصف غطاء من ديتول الاخضر على منقوع المر بعدين عبيه في البخاخ وخضيه زيييييين…

ثالثاً: خلي البخاخ في الحمام تكرمين،، وعلى كل دخلة حمام وعقب التنظيف خضي العلبه زين و رشي على المنطقه كم رشه وخليه شوي عقب تنشفي بالكلينكس..

**وإذا حبيتي طريقه ثانيه،، هاتي القطن المستخدم في تنظيف الويه ورشيه من محلول المره لين تتشرب القطنه وامسحي المنطقه الحساسه وما حواليها..

والمتزوجات يقدرن يتعمقن داخل شوي عشان النتيجه تكون اسرع…

**ملاحظه بتحسون بحرقه بسيييييطه اول شيء،، بس بعدين عاااااااادي بيخوز كل شيء وبتتعودين..
بس إذا لاحظتي انه الحرقه مستمره خففي المحلول،، يعني زيديه ماي دافيء وخضيه زين..

وإن شاء الله ما فيكم الا العافيه

وترى هالطريقه بتفيد اللي عندها التهابات وافرازات.. لان المره تعتبر مضاد حيوي وبتغنيكم عن الغسولات الطبيه ان شاء الله..

المهم،، اتمنى طريقتي تنال على اعجابكم،، وتراها معقمة ومعطره في نفس الوقت لأن الديتول الاخضر ريحته حلوة…

ويا بنات لا تبخلون عليه في الرد،، ترى الموضوع من جهدي الخاص وخذ من وقتي الكثير بس عشانكم كله يهوووووووون..

ما ابغي منكم غير دعوه صالحه وانكم ترفعون الموضوع عشان تعم الفايده اكثر…

وإذا فيه أي استفسار،، انا حاضره وما يردكم الا كيبوردكم…

والسلام عليكم ورحمة الله وبركاته