تاابع لموضوعي ,,اسرد قصتي لكم للمنفعة والفائده فقط للنقاش

خواتي العزيزات.. فتحت صفحه خاصه فقط للنقاش.. بخصوص سرد قصتي.. للي حاب يستفسر .. او يسأل حياه الله.. واشكركم على صبركم.. ومتابعتكم..حقي واوعدكم اني اكون عند حسن ظنكم..

انزين وين …. اريد اقرا الباقي …. ممكن ؟

اختي لو سمحتي وين القصه؟؟
وع شوو نتناقش ؟

اختى حلو القصة وتصير وااايد

يعني مب غريبة هالقصة علينا صارت بحياتنا ومع قريباتنا …. ننتظر البقية وربي يوفقج السموحه منج

خواتي العزيزات .. خلونه نكون شرات الخوات .. ونحترم بعض .. انا فتحت صفحه خاصه بس عسب اللي فخاطرها شي تقوله مب عسب نجرح بعض .. بتلقون موضوعين تابعين للقصه وحده للقراءه فقط ووحده للنقاش .. ليش تستعيلون ومادورن القصه انا طلبت من مشرفة القسم اثبت الموضوعين تحت بعض عسب ماتتعين وانتن ادورن .. لاكن رجاء خواتي مايحتاي لتعليقات جرح ..
اختي الغاليه الوزيره .. فديتج بس اطلب صبرج لاني اطبع احداثها عالووودر خلاف انسخها فالمنتدى واليوم نزلتلكم التكمله ..

الغاليه ام ردينا القصه موجوده في موضوع منفصل عن هالموضوع لانه انا بغيت القصه تنزل كامله بدون تعليقات عسب جي فتحت هالموضوع تابع لموضوع القصه وهذا بس للنقاش ..

حبيبتي ورقه ناعمه .. اسمج ناعم لازم كلامج يكون بعد ناعم .. لو نزلتي شوي لتحت بتلقين القصه .. وهالقصه صدقيني مب مسلسل تركي لانها قصه اشرف واصدق عن هالمسلسلات ..

والسوحه ..خواتي ..

حلو حبيت بداية القصة أتريا الباقي بفارغ الصبر

اختي الغاليه ورقه ناعمة ..
عزيزتي انا ماقلت انه القصه غريبه .. وانه ابد ماشي شراتها ..اكيد في شراتها وفي اخس عنها لكن الفرق بين معالجة وحل كل وحده .. انا حبيت انقل معاناتي لكل انسانه تعاني ..واعلمها كيف كنت اجازف واحارب عسب يستمر هالزواج .. وانا ماغصبت اي وحده منكن تقره .. فاذا حسيتي انه القصه هب غريبه عليج .. لاتابعينها وتعورين راسج ..لانها مطروحه للفائده فقط .. والسموحه طويلة العمر