والله بنات مادري من وين ابدا قصتي وكيف افهمكم الحالة اللي نمر فيها
انا عندي اخوان من الابو وابوي الله يرحمه ماشاءالله ماخذ كذا حرمة
الاولى متعادية ويا الثانية من زمان والثالثة اميه ومايخصها ف حد والحمدلله
الاولى كنا مب وايد وياها والثانية كنا واااايد اوكي وياها وعيالها صدق كنت احبهم ويحبوني
وطوول هالفترة امي تعرف ان حرمة ابوي الثانية تسوي سحر حق الاولى بس امي كانت ما تدخل
لان عندها بنت وحدة اللي هي انا وماتبا حد يمشكلني من جي انجبرت انها ما تدخل
.. قبل كانت حرمة ابوي ساكنه ويانا بس انتقلت وياعيالها عقب المشاكل لي صارت وياها
ارتحنا منها ومن مشاكلها بس حجرها مقفولة عندنا وباب دخلتهم غير عن باب البيت
ونحن من يومين رادين من السفر
شفنا ليت السقف مفتوووح… شي يزيغ الصراحة
لان هم ما طبو البيت من سنتين … من استوت الضرابة .. والحين فجااة يووو لييش !!!!
بنات نحن مب شاكين فالموضوع .. الا متاااكدييين انهم مسويلنا شي
الله يخليكم لو تعرفون حل خبرووني
لو تعرفون رقم مطوع يقدر يفجنا من هالمصيبه طرشوولي عالخاص بناات
دخيلكم لاتتجاهلون موضوعي ولا تحذفونه وادعولنا بناات
وانا من امارة دبي …
حطوا سورة البقرة لمدة 40 يوم كل يوم مرة او اذا تقدرون تشغاوها ام بي ثري يعني تم 24 ساعه بيكون افضل
ربنا يحفظكم يا رب
موفقه اختي
واكتبي من امارة انتي عسب الخوات يفيدونج اذا فيه مطوع جريب عليكم
العمل لما ينحط بالبيت يسوي بلاوي وأنتو صار معاكم شيء
المهم اقرأي سورة البقره كل يوم بصوت عالي إذا في شيء بنفك
أو أقري في ماي ورشيه بالبيت
وأرقوا أنفسكم دائما
والله يحفظكم من كل شر ،،،،
فأنا ان شاء الله بعطيج ارقاااام ناس ثقة ولهم فهاي الامور
الله يجيركم من شر شياطين الانس والجن
اعووذ بالله منهم ومن شرهم
اول انا ما فهمته المشكلة عدل
يمكن احد شغل ليت عادي او شى تاكدي
ولا تنسين صورة بقره كل يوم خليها تقرا