بيتزا مارغيتا خفيييفه مقرمشه خطييييرة لمحبي البيتزا الايطاليه

صبااااح ومسااااء الخير لكل سيدات الامارات العزيزات
هذي اول مشاركه في فهالقسم..دوم انزل فقسم الاطباق الساخنه
عاد اليهال خاطرهم فبيتزا مارغريتا سويناها ونزلنا الصور
وتطلع مضمونه وررووعه لان يارتيه ايطاليه وهي اللي علمتني اياها

اول شي
مقادير العجينه
كوبين طحين
3ارباع الكوب ماي
ربع كوب زيت زيتون
نص ملقعه صغيرة خميرة فوريه بس لاتزودين لانا نباها اتكون رفييعه مثل الخبز العربي

رشه ملح

اخلطيهم عدل لين تحصين على عجينه ناعمه
لو شفتيها طريه زياده زيديها رشه طحين
لين تستوي ناااعمه ومتماسكه او العكس ممكن تزيدين شوي ماي لو كانت نااشفه..

من اليمين
جبنه موتزريلا طاازجه وهذا اهم شي لاتتحرونها عيينه
عجينه البيتزا
لوريغانو
صلصه طماطم اتكون ساااده مافيها بصل وبزار بتحصلينها فالجمعيه واحسن ماركه
barilla
ا
انكمل

قصينا الموتزريلا شرايح ..

هذي الصينيه اللي استخدمها اتيي من تحت مخبقه مثل المشخل
عشان الحرارة توصل للعجينه وتخليها مقرررررمشه

حطيت العيينه ..وفردتها عدل بس لاتزودين طحين لو تبين البيتزا رفييعه

هني المساعد اول فديته يحط الصلصه..

هني استوا اكشن خخخخخخخخخخخخ
هجوم عللى الصلصه

حطيت البيتنزا بدون الجبن فالفرن ويكون حاار على درجه حرارة 200
لمده ربع ساعه لان العجينه اصلا رفييعه لو خليتها اكثر بتحترق لووووووول

هذا شكلها يوم طلعناها

وزعنا الموتزريلا والاوريغانو ..الزيتون اختياري
والايادي المتطفه ظاهره طبعاا خخخخخخخ

خليت الجبنه تذووووب والاطراف استوت ذهبيه وطلعناها من الفرن يمييييي…

وهني بعد…

وهذي قطعه بروحها وشكلها يشهييي

وخلصنااااا,,,,
يله اتريا ردودكم وآراءكم واللي عندها اي استفسار من عيوووووووووووني
وحيا الله سيدات الامارات,,,,

تسلم ايدك
شكلها يمييييييييييييي

روووووعه تسلم ايدج يالغلاااااااااا

فديت اليهال المتطفلييين يحليلهم ..تسلمين عالبيتزا وعالصور الحلوه ..

تسلمين خيتو^^
والله اذوووني فالمطبخ ..بس شسوي يموتون على شغل البيت خخخخخخخخخ
مرورج الاحلى حبيبتي..

حياج الله
مرورج الاروع ياعسوووووووله*^

تسلميين حبيتي..
دوووم تنورين مواضيعي بمرورج الحلو
حياااج الله الغاليه..