بيتزا التونة لذيذة وسهلة وسريعة :) لا تفوتكم

السلام عليكم ورحمة الله وبركاته

بيتزا التونة بس طبعا صمون مب عجينة

وهذي الصورة , جربوها بتحبونها هي بسيطة وسريعه وسهلة وطعمها حلو

المقادير :

1 علبة تونة الحجم الكبير

1 جيس صمون دوائر صغار نقطعهم نصين ( انا ماستخدمت الجيس كامل تقريبا 6 حبات بس يعني طلعولي بعد ماقطعتهم 12 حبة وهالخلطة بتقدرين تسوين اكثر من 12 بس انا كثرت من الخلطة على كل حبة لاني مابا اسوي وايد)

1 بصلة مقطعة قطع وااايد صغار ( قطعتهم باستخدام جهاز براون ملتي كويك )

1 حبة جزر او نصف اذا كانت الجزرة كبيرة (مبشور او مقطع قطع صغار)

1 تقريبا ورقة ملفوف كامله (مقطعة قطع صغار بعد بالمكينة قطعتهم )

1 م صغيرة بزار , شوية ملح وفلفل اسود

مايونيز وجبن موزريلا

الطريقة :

نقلي البصل بشوية زيت لين يذبل
نضيف التونة ونخلطهم , ونضيف البزار والفلفل الاسود
نضيف الجزر والملفوف ونحركه لين يذبل الملفوف
ونشله من ع النار

بهالوقت نشغل الفرن بس فوق

ندهن الصمون بشوية مايونيز ونحط فوقه الخلطة مال التونة , واخر شي شوي جبن موزريلا
نحطهم كلهم بصينية فرن وندخلها الفرن ومايطول دقايق بس لين يذوب الجبن وبس

حلووووووووووووووو

عيبني بجربه

أنا أحط بيتزا الصمون بالمكرويف واااااااايد روعة ماينشف الخبز والموزوريلا تذوب

يسلمووو ع المشاركة يا حلوات

اختي شمس البوادي بالميكرويف مايصير يابس عقب ؟؟ لاني لما احر صمون او خبز عقب يتيبس

اما بالفرن يصير لييين وحلو

ثااانكس على الموضوع الحلو

رووووووووووعه بجربها

للرفع