حريم… انا بيب خدامه اندنويسيه ربيعة خدامة الاهل
اريدها تشتغل عندي..
بس ما اريد ايبها عن طريق مكتب…
منو تجربة تيب خدامه بدون مكتب وشو الاجراءات المطلوبه
انا سالت الجوازات قالوا لي اهم شي عقد العمل بينج و بينها…الحين هاي مب مشكله
المشكله كيف ايبها من بلادها بس صورة جواز و صور شخصيه عشان اسوي لها فيزا و لا في شي مطلوب بعد…
انا احاول اتصل فيالسفاره بس محد يرد…
الي عندها فكره ياليت تساعدني و اكون شاكره لكم …
هذا رقم : موضي اندونيسية – تشتغل في سفارة اندونيسيا في دبي
0507126163
شوفي عزيزتى
ترى تكلفج نفس سعر المكتب على فكرة
لاني يوم بتي ما تحصل منفذ تطلع منه غير المطار
واذا المكتب ما اخذ كنها فلوس
في المطار ياخذون فلوس وما يطلعونها الا بعناء
انا خدامتي سافرت ورجعت ،، وقبل السفر وديتها السفارة في دبي
عطوها ورقة ان يوم ترجع على طول ما يسون لها اي مشضكلة وما تدفع فلوس
بس تقول ما طاعوا الا ادفع
بس طلعت احسن عنهم وما عطتهم شيء
يعني انت اولا اسالي واستفسري احسن
لان هناك كل مرة بتقول لج
طرشي فاكس
طرشي سعر التذكرة
طرشي لي الفيزا
وامور كثيرة
وما يقدرون يطلعون الا عن طريق المكتب
فالله يعينج