بنتي والزكام والبلغم

مرحبا خواتي ساعدوني الله يخليكم اذا فيه حل لمشكلة بنتي هي عمرها الحين سنتين ونص الله يخليها وهي دوم مزجمه وفي بلغم وااااااااااااااايد عصدرها يوم وديتها المستشفى قالولي عندها حساسية في صدها ووصفولي بخاخات وكورتيزونات عطيتها هالادوية بس ما فيه فايده ……….. كل يوم خشمها يصب وتزوع البلغم والاكل الي تاكله والحمى ما تفارقها استوت عظم …….. بنات الله يخليكم ادعولها ان الله يشفيها ويعطيها الصحة واذا فيه حل دلوني عليه واذا فيه حرمه تعرف تمسح اليهال في بوظبي خبروني ……………….. جزاكم الله الف خير

لازم تستمرين على علاج الحساسيه و ان شاء الله بتستوي بخير
بس اذا فيها حراره لازم تاخذ مضاد حيوي لأن اكيد عندها التهاب
وديها الطبيب

مستمره على العلاج بس الكحه ذابحتها ما توقف عادي تكح ثلاثة او اربعة ايام بدون توقف حتى البصل والثوم جربته عليها بس مؤقت وترجع الاعراض مرة ثانيه

الله يعافيها يا رب
انا بعد بناتي الثنتين وبنت اختي كلهن يسعلن ومصطكات من البلغم هالجو المغبر والرطوبة مأثرة عليهن سلبيا .
العلاج : النبيولايزر(( جهاز البخاخ)) 4 مرات يوميا مع دواء شراب مقشع البلغم _ ادول او تالينول للتخفيض الحرارة .

ونصيحت يالغالية يوم ترقد بنتج خلي مستوى الصدر أعلى من الجسم لتسهيل التنفس خلال النوم.

يمكن طايحتلها جبد !
دوريلج حد يمسحها لان الاشياء هذي ما بتروح الا عقب المسح

اسويلها النيبيولايزر بس اخاف ع المدى البعدي تتعود عليه ….. وهي صارلها مده وهي على هالادويه الله يستر بس ……… يارب ما ادري شو نسوي الامراض قامت تطلع وشو الاسباب الله يعلم …… يارب يشفي بناتج وبنت اختج وبنتي وعيال المسلمين

يالله ايدي على ايدج يالسه اسأل جان عندج حد في بوظبي ولا الشارجه دليني عليها يزاج الله خير