بنتي والتسنين ؟؟!! عندي سؤال أرجوكم ردوا علي !!

السلام عليكم ورحمة الله وبركاته،،،،

هلااا بأمهات سيدات الإمارات عساكم بخير انتوا وعيالكم

المهم أنا عندي بنت ألحين شكلها بيظهر لها أول ضرس لأنوا اللثة عندها تحت منتفخة على الخفيف ومن فوق اللثة عندها جرح اصغير على شكل حفرة بس ما يبن الضرس ،،،
أناااا سؤالي ألحين هل هاي الأعراض أعراض تسنين وهل التسنين يغير ريحة الفم لأنوا ريحة فم بنتي اتغير فجأة وصارت كريهه وإلا في أسباب ثانية الريحة ،،،
وأنا عندي سؤال شو أسوي لها لأنها مستوية عصبية وكلوا اتصيح وأبا أعرف شو أقدر أحط لها فوق اللثة علشان يخفف الألم أنا أذكر في مرهم لهاي الحالة وعن الريحة شو أقدر أسوي والسموووحة بنات وأرجوا منكم إنكم تساعدوني وشكراً

وايد يكونون عصبيبن وقت التسنين وممكن حميى واسهال بسم الله عليها..
لكن الدكانرة يقولون ما يخص التسنين بهاي الاعراض والله اعلم..
ويبيعون فالصيدلية مرهم للتسنين يبرد ع اللثة..
وحتى في عضاضات يكون فيها جل تحطيها فالفريزر..
وعسب الريحة وديها الدكتور عسب تعرفين شو الاسباب..
والله يحفظها..

السلام عليكم اختي بالنسبة لابنتك والتسنين هذا شئ طبيعي ولابد من تناول المسكنات مثل البروفين شراب او وضع جل مخدر على اللثة خاص بالاطفال ومن الطبيعي ان تكون متضايقة وبالنسبة للرائحة من الممكن ان تكون من التهاب اللوزتين ويجب زيارة الطبيب اذا زادت الحالة والله يحفظها ان شاء الله

مشكووورين على ردودكم وتسلمون ما قصرتوا

يعني الريحة يخص البلغم لإنوا الدكتورة قالتلي إنو عندها بلغم من الأسبوع تقريباً وأعتقد إنوا بعدها فيها

بالنسبه لتخفيف أعراض التسنين عن تجربه أحسن شي البنادول للرضع وايد يخفف الالم
وعندج جل دينتونيكس وايد أوكي يخفف الالم بدرجه رهيبه
حاولي تعطينها لبن زبادي بالفواكه زين حق الاسنان

والله الدكتوره عنا ما بتقبل تعطي دوا للتسنين اذا تنكدت كتير اعطيها مسكن تبع الاطفال بكفي
والريحه بكون التهاب باللثه ع الاغلب او بتكون ما بتاكل كويس مشان هيك بتطلع ريحه لتمها

بس بسألكم بنتي عمرها 7 شهور وللان ما طلعت ولا سن ها الشي عادي ؟؟

ممكن ريحة الفم عندها من الحليب اذا كنتي تعطينها حليب صناعي
وتقدرين تحطيلها مرهم التسنين عسب تخفف ويع الاسنان