بغيت اعرف شو احسن عياده اطفال سواء في الشارجه او دبي
بنتي عمرها 5 شهور وعندها اكزيما فويها وحليلها ويها دوم محمر وديتها عند كذا دكتور في راك ماشي فايده يعطوني نفس الكريم واحس الكريم قوي عليها ومفعولة بس مال يومين ويرد الاحمرار
منو مر بنفس الحاله ووين سار وشو سوى
اترياكم
و الحمد لله خفت من كمل سنة و نص بس ما اختفت اللحين تيه مرة في الشهر و اعطيه مضاد هستامين و ادهنه بفازلين و تخف
بس قبل ينيت و ياه لدرجة قطعت انا السمج و الامبا و الموز و كل مثيرات الحساسية ما اكلها لانه تروح له في الحليب و بعده تيه و بصراحة ما فاده غير مرهم اسمه ايليكوم بس هذا يستخدم و قت الضرورة القصوى يعني علبة وحدة بس استخدمت خلال تلك الفترة
و الدكاترة قالوا لي يا تستمر طول العمر اذا كانت وراثية او تختفي ععمر السنتين و ان شاء الله خير
لأن بنتي نفس الشي وعطوها كريم ألفاكورت طبعا اخذ منه شويه واخلطه ويا شوي مرطب واحطه على خدودها ومثل ما تقولين يخوز عنها يومين ثلاث ويرجع من اول ويديد…..غامضتني وااااااايد فديتها …يقولج الاكزيما ما تخوز بس تخف عالعلاج وترجع وما بتخوز الا قريب ما بتكمل السنه…الله المستعان
هوه فيه اكزيما من صغره ويتم يحج الاكزيما الين ما استوت له جروح مكان الاكزيما من الحجه
وقام يطلع منه ماي ودم
ومحد رام يعالجه غير الدكتور نصرتي
هو موجود في عياده الاختصاصين صوب شارع الضيافه
مشكورات خواتي
بس ردودكم خوفتني اكثر اخاف صدق اتم فيها الاكزيما .. والله تغمضني قلبي يتقطع عليها
ومابا احطلها كريمات احسها قويه على بشرتها .. الله كريم الله يشفيها ويشفي عيالكم