بنتــــــــــي و الجديري

السلام عليكم خواتي

مشكلتي بنتي عمرها 5 شهور ونصف واستوالها الجدري المائي من يومين لانه كان في اختها قبلها بس ما شالله كان خفيف بس هاي اخسسسسس ويحليلها تعبانه وكله تصيح .. وديتها العياده عطوها كريم وادووول .. للي عندهم خبره في شي محلي اقدر اعطيها يساعدها او يخفف عنها
من البارحه محمومه بعد وما قامت تاكل شي .. اعطيها عصاير ولا اكل عااادي شو اسوي؟؟؟

هلا أختي

لا تحاتين ..لانه من اسبوعيين ولدي كان فييه جديري ..والحمدالله الحمدالله ..اقولج خف عنه وااايد ..لانه وديته الايراني ..وعطوني دواء شراب حق الحجه ..وكريم مرهم حق الحبوب …بس الكريم اشويه حاار ..بيحرقهااا ..بس والله وااايد زين .والحين ولدي الثاني فيه جديري …ما ويتيه المستشفي …عطيته ادويت أخوه ..والحييين الحمدالله خف عنه وااايد …ما انصحج الا مستشفي الايراني …وعن تجربة صدقيني ..

انا ولدي عمره 11 شهر استوابه الجدري ونفس حال بنتج كان كله يصيح وما ياكل.. بس انتظمي ع الكريم والادول.. .. وما عطوج دواء يهدي الحكه لانها اكيد اتصيح ودها تحك جسمها..

انا عطوني لولدي وايد ريحه لانه بعد منوم..

مشكوووورات خواتي ع المشاركه بس والله ما عطوني غير هلمرهم وادوووول

الغاليه …..

حبيبتي فوري ورق الشريش وغسلي جسمها …..(( طبعا وصفة العيايز والشواب …..))

ودخنيها بيعده لانها تبعد الفايروس ….

ووديها عيادة خاصة وايد احسن من الحكومة …..

وديها عيادة الصفاء عند الدكتور رياض وايد زين لليهال ومكانه عند دوار الساعه……

بنتي ياها من شهر وكان عمرها 8شهور والله انها تقطع القلب والاخس ياها في عيونها…..

وجان صابها في عيونها خبريني على الخاص وبقولج شوه تسوين …..

وماعليها الا العافيه …..

احيد يوم بنتي كانت امرقده في المستشفى اغلبية اليهال اللي في العنبر كانوا امرقدين والسبه الجديري

الله يشفيها فديتها الغاليه قد ما تقدرين ابتعدى عن الماى لانه يساعد بانتشار الجديرى اكثر