شحالكم
والله ولهت عليكم
وعلى أيام التجمعات
المهم
حمادي عمره سنة ونص ربي يحفظه
وايد حركي وماشالله يركض عني إذا بمسكه عن يروح حمام ولا مطبخ أو حتى فالحوش يركض ويضحك
غير هالشي وايد يخرب ويعفس الدنيا فدقيقه ومن حجرتة لصاله للمطبخ للحوش
يعني ماقدر ألحق على حركته وأخاف أغفل عنه دقايق
أبى خبراتكم فالتعامل مع عيالكم
أفيدوني الله يجازيكم خير
شوفي حبيبتي عشان تعلمين ولدج الهدوء لازم تكونين انت هاديه
يعني تكونين أنت قدوه له في الهدوء بدون انفعالات وصريخ
لازم يطلعها و هذا دليل على ذكاء الطفل و انه يعيش حياة طبيعية جدا .
سوي له مكان خاص فيه فالبيت يعني ركن مميز فيه من كل شي شي ..!!
الوان + العاب + رسوم + اصوات و كل شي .
عشان يكون المكان المحبب لديه و يخليه يحس بالهدوء فيه
هو بروحه بيسير يدور هالمكان و ينشغل فيه برووحه .
شي آخر لازم تطلعينه مرة بالاسبوع على الأقل للألعاب برا البيت و يشوف الناس و يلتهي و يلعب
ربي يحفظه لج و يرزقج برد يااربيه
أنا أبى يتعلم الهدوء عشان يوم أروح عند حد ولا لأهل يكون قاعد حذالي ولايخرب
ألحين حركته السريعه تخليه يكب العصير ويوصخ المكان مايمدي ألحق عليه
وإذا على لاألعاب ومكان خاص فيه أنا مخصصه له غرفه فيها كل شي ويحب ييلس فيها بس مايطول أكثر من نص ساعه
بس ما اقدر اسوي شي لانه بيبي والرمسة ما تيبهم لانه ما يفهمون
بس هذا ما يعني اني ما اكلمها افهمها حتى لو ما تفهم اقول عيب عشان تاخذ على الكلمة يوم تكبر
انه هالشي غلط
مم تخرب لي الحجرة وتركب فوق المكتبه وتضارب ويه اخوها ربي يحفظها ويعطيها الصحه والعافيه هي واخوها
وانا متامله بتكبر وبتعقل ان شاء الله
مم غالبا ما اخذها بيت حد ما اعرف بس الاهل عشان ما تحرجني وبيت الاهل ملعوزتني
بس تبى تطلع واناا اراكض وراها ما تخليني اسولف دقيقه الا ركضت وراها مره ثانيه
قولي امين يكبرون ويعقلون ان شاء الله