ما أعرف كيف أبتدي … بس بغيت مشورتكم بنات دخيلكن
أنا ماعندي خوات بس معتبرتكم خواتي …
أنا من سنتين مزوجه و الحمدلله مرتاحه .. السالفة و ما فيها أن زوجي من شهر تقريبا ما ياني بسبب ظروف الشغل وغير هذا سافر أسبوع برع حسب يغير يغير جو من الدوام .. أنا قاعده بيت أهلي .. بس يا بنات موليه محد أتصل فيني من أهل ريلي أبدا لا أمه لا خواته المزوجات ماحد موليه .. ليش ؟؟؟ ما يقولون تبين شي ناقصنج شي ……. حيه و لا ميته …
والله يابنات أن يوم ريل أخت زوجي سافر دوره برع كنت دايما أقول حق ريلي سيرلها شوف شو تبي وشو ناقصنها حرام ريلها مسافر و كان يسيرلها و ياخذها و ييبها و انا قاعده بالبيت لا أسير و لا أرد ….
و الاخت الثانيه يوم سوت عملية علطول رحتلها المستشفى أسأل عنها … و غيره وغيره ..
من البداية أنا ماخذه موقف من أمه .. ببداية زواجي شريت لها شوية مخاوير … تدرون شو ردت علي .. أنا مابا صدقة ؟؟ و الله انصدمت ؟؟؟؟؟؟؟؟؟؟؟؟
قولولي شو أسوي … أطنشهم … ما أقدر ريلي بيزعل ..
اختي لا تتوقعين كلناس مثلج يوجبون ويعرفون اصول…كل شخص غير عن الثاني…
اختي انتي اللي عليج تقومين بواجبج من صلة رحم اولا لمرضاة الرحمن جل جلاله ، ثانيا لراحتج النفسية وثالثا لرضاة زوجج!!!
موفقة اختي..ولا تزعلين ولا شي…خلج كول…اهم شي ريلج !!
والله يسعدج اختي
صمت
اذا هو سأل هذا شي ثاني..جاوبي بكل عفوية بس بدون مبالغة!!!
صمت
بس اختي دام علاقتج بريلج ميسورة احمدي ربج ولا تطلبين الاكثر فالقناعة كنز لايفنى
الله يهنيــــــــج
معظم الناس مقل اهل ريلج
بس انتي كوني افضل منهم
اتصلي اسألي عنهم يمكن فيهم شيء
اطمني عليهم و قولي لهم ما سمعت صوتكم من فترة وحبيت اطمن عليكم
ولا تنسي حب الزوج من حب اهله
ومهما يصير و مهما يستوي يظلوا اهل زوجج
الله يهدي الجميع