أو اذا حد من اللي يبيعون منتجات الصالونات يبيعهم ..
لأني أشتريهم من الصالون اللي أتعامل وياه وسعرهم غالي .
والطلب الثاني : أسمع البنات يرمسون عن صابون الوزير
ويقولون انهم يشترونه من كارفور ..
عيزت وطاحت ريولي و أنا أدوره عندهم ..
حتى اللي يشتغلون هناك ولا واحد سمع عنه !!
اللي تعرف .. ممكن تصوره وتحط لنا صورته يزاها الله خير
وتقولنا : يعني هو يكون موجود على أي رف من المنتجات ؟
قصدي مع الصابون الجامد والا السائل مال الايد والا الصابون البودرة مال الغسيل ؟
ما عليه عاده بأتعبكم لكن بتحصلون دعوة حلوة مني 
أنا بعد ادور صابون الوزير
والمكتب الرئيسي ما يبيع بالحبه الا حق صالونات
كيراستاس أ،ا أبغاهم ان شاء الله أحصلهم :]
صابون الوزير صابون لبناني مصنوع من زيت الزيتون
وبتلاقينه عند ارفف الصابون الناعم لانه للملابس
وفيه نوعين مكعبات وناعم
بس بصراحه روعه للجسم
وهذي صورته
وفيه صابون تركي رووووعه في كارفور بعد بتشوفينه عند الصابون الناعم
اسمه DURU
أحلى منه يشد البشره ورغوته ماتخلص
استعمله للويه والجسم
وريحته ورد الجوري روز
وكل اربع حبات في كيس شفاف
ونعيماً مقدماً