بنات اختي عندها انحراف في الانف وفتحات الانف غير متساويه وخايفه تسوي عمليه يتغير شكل الخشم احد جرب يسويها وياليت تقولون وين وشو تجاربكم الله يجزيكم خير
مادري ليش اغلب اللي يسوون عمليات مايعطون تجاربهم عن نجاح او فشل مع انه محد بيعرفهم لو قالو التجربه ، المهم اختي انا ربيعتي اللبنانيه كان خشمها زين ومافي مشكله لكن ماكان عايبنها مع انه عادي طبعآ صورتها قبل العمليه كان مدبب ونحفته وخلته مرفوع نفس الفرنسيات ،، صح صار احلا بس كلما كرمتي تنظفه تضطر انها تنظفه بقطن الأذن الخاص جونسون طبعآ بدونه ماتقدر تنظفه بكلينكس بصبعها لانه تقول يمكن تتعور مع انه العمليه صار لها سنين وهي سوتها في لبنان ،، اتمنى اكون فدتج ولو بالشي البسيط 
وإن شاء الله الخوات يفيدونج اكثر … بالتوفيج اختي
وإن شاء الله الخوات يفيدونج اكثر … بالتوفيج اختيأختي نصيحة أخت أنا سويت عملية إنحراف و نصحوني أهلي بس ما سمعت الرمسه.. إذا هي قادره تتنفس و ما عندها صعوبه خلها تنسى شيء إسمه عمليه. على فكره هي تعتبر العمليه هاي في المرتبه الثانيه عقب عملية القلب.. خلها ترضى بشكلها.. و عن تجربه كملت تقريبا 4 سنين و نص لين أحين أعاني لدرجه ساعات أصيح و نفسيتي تتعب بس أمر الله.. جدا متعبه العمليه و نتايجها بعد ست شهور تقريبا تطلع.. الصراحه صدق تعبتني و لين يومج هذا أعاني و الحمدالله على كل حال
هلا اختي انا مسوية عملية انحراف الوتر واللحميه بس الخشم ما تغير مثل ما هو ، لان العمليه مب تجميليه
اختي أنثى وبحور الشوق وخواتي اللي ردو علي الله يجزيكم الف خير هي مآثره على نفسيتها وأحيانا يعلقون على الانحراف الي عندها ويقولوها ليش ما تسوين عمليه الله يسعدكم خواتي
استغفر الله العظيم
إذا إنحراف الوتر الأنفي وبشكل يأثر على تنفسها , تسوي عملية علاج الإنحراف الأنفي( يسويها طبيب أنف وأذن وحنجرة شاطر ومتخصص وليس طبيب تجميل ) , وهي عملية علاجية وليست تجميلية وما تغير شكل الأنف .