بنات بوووووووووظبي ممكن تفيدوووني في بيووووووت حدائق الراحة

السلام عليكـــــــــــــــم

كيف الحال خواتي ؟؟؟ خواتي بنات بوووووووووووووظبي ياريت تفيدوووووووووووني اللي عندها خلفية عن بيوت حدائق الراحه اللي في منطقة خليفة (أ) هي عبارة عن بيوت جديدة في منها ديزاينها على الطراز العربي وفي منها على الطراز الاجنبي ياريييييت تفيدوووني عن أسعار هالبيووووووت ؟؟؟ واللي شرت من هالبيوت ممكن تفيديني كيف كان التمووويل للبيت ؟؟؟ واللي أعرفه انج سنويا تدفعين 12 ألف درهم حق السيكوريتي،، خووووواتي المووووووضوووع جدا مهم واتمنى تفيدوووووووووووني ، وشكـــــــــراً مقدما

للرفـــــــــــــع

للرفع

والله اختي يتنا فترة كنا خلاص بنشتري لكن الحين احمد الله مليون مرة انه ما اشترينا اولا الغرف صغيرة والممرات كذلك وما تقدرين اتغيرين من واجهت البيت ومن غير تتدفعين حق السكيورتي واذا بتبنين في البيت لازم تصريح من الادارة نفسها يعني اتريي والمطابخ مالهم وايد صغيرة واذا تبغين تزرعين في حديقة البيت لازم تتعاقدين من الشركة اللي هم يتعاملون وياها يعني كلها شروط في شروط ولا كانه بيتج ملكج

للررررفع

الغاليه انا ساكنه في هالبيوت
بصراحه انا اشتريت بيتي بتمويل تقريبا 2 مليونين وشيء
ولازم اتكون عندج دفعه اولى ما اتقل عن 300 الف على حد علمي

ثاني شيء البيوت تصلح للعوائل الصغيره .. وفي منها الفلل اللي بخمس غرف هذيل واااايد كبار وصالاتها وايد كبار
بس تبين الصدق انا ما حبيت تقطيعة البيت ..
وانا ساكنه في بيت ب 3 غرف والحمد لله مرتاحه بس شيء واحد مضايقني واللي هو المطبخ لأن مطبخيه مفتوح على البيت
لكن انشاء الله ناويه اسكره عن قريب

ثالث شيء الممرات من بين البيوت هب وايد كبيره واتحسين بضيق .. بس اذا بتاخذين البيوت اللي اطل على مدينة خليفه اوكي في مساحة جدام البيت

رابع شيء الكراجات مالهم بصراحه جدا ضيقه

خامس شيء وهالشيء للعلم يعني في كل المجمعات هب بس في الراحه اي مجمع سكني فيه نفس الشيء ان لازم تدفعين مبلغ للسيكيوريتي والسيرفس لأن عندي حد من الاهل ماخذ في الغولف ويدفعون اكثر عن نحن اللي ساكنين في الراحه

سادس شيء المكيفات وهذي اصعب شيء انها تشتغل بالماي يعني سعرها غير عن سعر الكهرباء وبصراحه يطلعلنا في الشهر مرات 1000ومرات 2024 درهم بس حاليا يحاولون انهم يغيرون الشركه او يقللون من السعر

سابع شيء في كل المجمعات ما تقدرين تبنين ع راحتج في البيت الى باذن من البلديه ومن الشركه نفسها المسؤوله مثلا الراحه مسؤوله الدار عنهم .. واظن هالشيء حتى في البيوت العاديه .. ومن ناحية انج اتغيرين الشكل العام هذي جدا صعبه .. لكل المجمعات

ابيخ شيء ما احبعه في بيتونا في الراحه هو موضوع الظلام .. لأنهم ما يبغون يحطون ليتات في المنمرات غير ليتات اضائتها جدا بسيطه

ثامن شيء هب مثل ما قالت وحده من الخوات اذا بزرع لازم اطلب من عندهم ايون ويزرعولي لا هب لازم
تقدرين اتييبين من برع ويزرعولج عادي جدا

تاسع شيء انا جفت كذا مجمع بصراحه
مثل مجمع الريف ابدا ما حبيته اول شيء بعيد
ثاني شيء مافي المجمعات باب الباب الرئيسي هو عباره عن باب مثل بيبان البلكونه
ثالث شيء البيوت حييييييييييييييييييييل من داخل ضيقه
رابع شيء احلى بيت في الريف عيبني شكله هو صاحب 5 غرف هذا شكله اوكي اما 3 غرف بصراحه نو وااااااااااي

اما مجمع الغولف بصراحه بيوتهم اكبار سواء التاون هاوس او الفيلا
ثاني شيء اسعارهم جدا غاليه يعني التاون هاوس في الراحه 2 مليونين او 1 مليون و900 لثلاث غرف
اما في الغولف التاون الهاوس ب3غرف 4ملايين مع التمويل وغير السيرفس تقريبا 20 الف سنويا
وثالث شيء الغولف شوارعهم حيل كبير وفسيحه وحلوه
رابع شيء الغولف عندهم في النص سينتر فيه دكان وكوفي شوب وطبعا جيم << وانا بين فتره والثانيه اروح الجم لووووووول

في النهايه الغاليه اذا حبيت تستفسرين عن اي شيء انا حاضره
وللعلم اسعار البيوت بدت اتقل
ونصيحه قبل ما تاخذين اي بيت فكري عدل ورتبي امورج ورتبي ماليتكم
وللمعلوميه حاليا في الراحه آخر مشروع للبيوت قاعدين يبنونه راح يكون 5 غرف وبيكون كبير حيل
ومساحة الشوارع بعد كبيره .. وفوق كل هذا بيكون عدد البيوت على حد علمي 28 بيت بس واللي سبق لبق