موضوعي عبيط شوي بس اسمحولي ماعرف منو أسأل!!
أنا توني منتقلة الشارجة من فترة قصيرة وساكنة هني فالمنطقة اللي ورا المدينة الجامعية …..
ومتأزمة ماعرف شي خاصة الصوالين … ماعرف اعيش بدونهم ههه
كنت فـ دبي قبل ومستانسة هئ هئ فديييييييييييييييييييييييييييييييت جميرا والله …..
أحسن الصالونات كانت على بعد دقايق عن بيتنا 
!!!!
بعدني أروح لهم بس ماقدر دوم أروح دبي عشان صالون!! ويوم اروح لاهلي ابا اقعد وياهم مب اهدهم واطلع >.<
المهم ما علينا …
أبا أعرف عن الصالونات الزينة وتكون جريبة من المنطقة….
سواء للشعر والميك اب (حق المناسبات)
أو سوالف الحف والواكس >.< (آي ويهي)
وابا أعرف مكان نظييف وزييين للمنكير والبدكير.. يعني صالون متخصص لهالسوالف نفس N-bar و nail zone وهذيل
شفت كذا صالون في الشارع اللي يودي للمدينة الجامعية بس ما لقطت الأسامي (شكلها مايشجع وايد) بس بغيت اعرف لو ينفعون ولا لا …..
يعني باختصار ابا اعرف عن الصوالين الزينة بس ماتكون بعيده وايد، مابا أضطر أدش فـزحمة الشارجة وشوارعها العبيطة!! (أروح دبي أبرك لي ههه)
سمعت عن كم صالون فـ شارع حلوان… هذا جريب عن منطقتنا؟؟ وشي صوالين اوكيه ولا خربوطييين؟؟؟
Help me plzzzz
هئ والله ولهت ع بيت قوم امي ما كنت اضطر أسأل، أعرف صوالين جميرا كلها بتكون كشخه لووول اروح وانا واثقة
(( سوري لـ بنات الشارجة ما اقصد شي خخخخخ محلاتها الشارجة … بس انا بنت دبي واحبها أكثر عن أي مكان ثاني لول ))
وووووو سلامتكم ^_^ انشالله عاد أحصل ردود حلوة من اللي ساكنين صووووووبنا او يعرفون المنطقة!
لطفا وليس أمرا .. لو ماعندج فكرة حاولي ترفعين الموضوع برد صغيروني ^_^
ويزاكم الله خير
غناتي بالنسبه للحف والواكــس أفضل صالون عندي هو قمر..وصالون يونان
أما بالنسبه للبدكير والمناكيــر عندج صالون موواويل متخصص فهالشغلات..وعندج صالون قطر الندى
بس بليييز مابا بس اسم للصالون خبروني مكانه بعد >.< اسم المنطقة يعني
يسلمووووووو ^_^
و نحن يرانج … إذا احتجتي أي شئ ما يردج إلا لسانج *_*
أختي صالون مواوييل ( وايد فنان للبديكير و المنكير) في حلوان و أنتي يايه من جدا مطعم خالد حريه طوفي الجسر ( من تحت الجسر) بتحصليينه على إيدج اليمين ( تقريبا في مستوى N bar)
و أمشي شوي خلي مواوييل على إيدج اليمين عقب مركز حلوان و عقب مكتبة حلوان بتحصلين صالون صغير أسمه لانكوم بس فنااااان حق الحواجب ( تشقير)
أطبعا فالمقابل على إيديج اليسار صالون الأحلام ( حـــــــــــنا ) رائع ….
و إنشالله البنات يفدونج بعد ..