شحالكن بنات عساكن بخييير .؟!
بنات انا ف الجامعه ومعطيني ماده للحين ماعرفت شو قصتها
المهم السير طالب منا ان نكتب narrative عن الامارات في الماضي والحاضر
وماشرحلنا ولا خطوه ولا شي
والله احس عمري ضايعه .. بليز بنوتات في وحده تقدر تساعدني او تراويني شي هي كتبته
او تقولي الخطواات
بليييز يزاكن الله خير ساعدوني ترى ماباقي شي وصدق ضعت 
ويزاها الله خير الي بتساعدني
انا اذا في مرة من المرات طلبوا منا نكتب narrative عن نفس الموضوع في الجامعة
المهم هذا الاساينمت لازم تسوين قصة وفيها مقارنة بين الماضي والحاضر بشكل غير مباشر
عن حال الامارات وتحتوي على شخصيات ويكون فيها سرد للموضوع وماشي اي مشكلة اذا دخلتي
دايلوغ= حوار بس بسيط يعني وتكون هذي القصة مقسمة في فقرات وكل فقرة تتكلم عن جانب معين
من قصتج
مثلا انتي الحين تسوين مقارنة عن وضع الامارات سابقا وحاضرا
ماراح تقولين والله قبل ماشي مستشفيات والحين شي مستشفيات أو بيوتها صغيره ومحدودة والحين كبيرة شاملة
لا راح يكون في هذي الطريقة البسيطة
"أهالي هذي الارض عاشوا حياة سعيدة جدا على الرغم من بساطتها وقلة الموارد عندهم. وفي هذا الوقت كان
جدي وجدتي او اسرتي تعيش في منزل واحد مصنوع من الطين وبعض من لمسات الخشب , كانت غرفهم قليلة جدا بعكس الوقت الحالي. ووقت االعشاء او الغدا نلتقي ,, , , , ,الخ"
هذا نموذج بسيط ممكن يساعدج
وبنفس الطريقة توصفين الخدمات الصحية و التعليمية والترفيهية والاجتماعية
وايضا كيفية التواصل بين الناس اول او وصف لعلاقاتكم الاسرية
ولما تقارنينها بالحاضر بتقولين الحين انا مثل طالبة جامعية ادرس في هذي الجامعة لي خصوصياتي
وممتلكاتي الخاصة عندي لاب توب وعندي فون وغرف خاصة لي وسيارتي ….الخ وكل هذا ماكان
موجود للفرد بامتلاكه
عشان الموضوع يسهل عليج روحي اسالي يدج او يدتج عن حياتهم قبل
واي سوال انا حاضرة
تسلمين غاليتي على الرفع
الروح ..
بصراحه ماقصرتي بهالمعلومات الحلوه ..
اممم عندي كم سؤال
1- هل بنحتاج صفحة غلاف
يعني صفحه كامله بس نكتب فيها الاسم والاي دي وهالسوالف
2- الانترودكشن ماعرف كيف ابدأه وشو اقول فيه .؟!
3- تقريبا ف حدود كم صفحه او كم كلمه لازم نكتب
4- الرفرنسس .. نكتب فيهم اسامي الي قابلناهم والاسأله ولا اساسا ماشي رفرنسس .؟
5- في الخاتمه اذكر رايي الشخصي ولا بس اسوي تلخيص للي كتبته
6- في الاسي اقدر اقول I have يعني اقدر اتكلم عن عمري ولا اخليها بصيغة المجهول ؟
ادري وايد اسأله بس والله تعقدت .. الله يسامحه جون ><
وتسلمين عزيزتي يزاج الله خير
لو اعرف الستبس بقدر اسويه بس المشكله ماعرف وهو ماشرح لنا
بنات اقترحو عليه اسأله اسألها للكبار .؟