بنات أمس سرت باريس غاليري وشوفوا شو قالتلي البياعه

السلام عليكم ورحمة الله وبركاته
هلا خواتي الغاليات

الصراحه بنات أمس سرت السوق آخذ شوية أغراض المهم وانا أتمشى قلت خل أدخل باريس غاليري . المهم يوم دخلت سرت عند ماركة شانيل أشوف لقلوسات اللي عندهم المهم عيبني قلوس جان اسأل اللي تبيع عن سعره خاصه أني سامعه بأن لسعار ارتفعت عاد انا ماحب حد يستغلني
جان تقولي اب 121 جان اقوللها هذا سعره من قبل ولا بعد الزياده جان تقولي لا قبل كان أغلى كان ب 141 بس الحين الاسعار نزلت

معقوله رجعت الاسعار مثل قبل؟؟؟ ياريت يا بنات أتفيدوني صدق اسعار المكياج رجعت نزلت ولا؟؟؟ لاني الصراحه استغربت قلت بها السرعه الاسعار غيروها ورجعوا نزلوها ؟؟؟؟؟

ما اظني بس يمكن بينزلون يضاعه يديده وعاملين خصم على الجديمة

انا مع الاخت مندرين

ما عليج منهم يجذبون!!!! اونه كلها الدنيا لابجة والاسعار فوووق وحتى شاي كرك رفعو سعره والحييييييييييييييييييين ما يت الا على الروج…. ما اصدق..!!!!

يمكن يكون كلامج صح أختي مندرين لاني فعلا استغربت؟؟؟؟؟؟

مشكووره أختي فارسة دبي ومثل ما قلتي كل شي ارتفع يعني المكياج بيرخصونه؟ صدق شي يقهر

والله كل شي غلا هالايام يمكن اتقص علييييييج

الله ييعين اختي ميميه ومشكوره على المرور