بنات أرجو المساعده حالتي النفسية تعبت

بنات أنا شعري كان طويل ماشالله يوصل لين تحت خصري وأكثر بعدو كان كل حد يشوف شعري يمدح بشعري انه طويل ………
المهم من فترة يوا ناس عندنا البيت يخطبون أختي الصغيرة ويلست أنا وأمي عند الخطاطيب وأنا حضرت جنابي فاجة شعري جني أنا بنخطب أحين خخخخخخخخ المهم تموا الحريم إلا يطالعن شعري عافاني الله جنهم أول مرة يشوفون شعر طويل ولا يالسات يبحلقن بعد جي المهم فاليوم الثاني يوم يلست اسحي شعري تم يطيح وايد وعقب يوم سرت اتسبحت ياتني عقدة كبيرة فشعري بسم الله ما طاعت تنفج اتقول عقدة محروقة المهم لا أنا ولا أمي ولا خالتي قدرنا انفجها عقب قامت أمي وقصتها بمقص يا ليت لو العقدة نازلة تحت لأ العقدة كانت لاصقة ففروة الراس يعني شعري استوى بوي ورحت الصالون علشان أعدله وزادوه حقي قصوا أكثر وأسميني تميت مريضة ومتحسرة عشعري ثلاث أيام ومرات أيلس أصيح عشعري اللي راح والمشكله انه عندنا عرس عقب كم يوم وانا ملجتي كانت قريبة بس أجلتها عشان يطول شعري ولا يشوفني ريلي جي لانه ما يحب الشعر القصير ولو شاف شعري بوي بعصب وعشان جي أنا خايفة يا بنات أرجوكم بليز ساعدوني عشان يطول شعري منو تعرف خلطة أو زيت يطول الشعر عالاقل فأسبوع أو أسبوعين والله اني يالسه أكتب وأبا أصيح بليززززززز بنات
بكون شاكرة ةالله لكم سوري طولت عليكم

صدق غميضه الله يكون ف عونج

بس ما اظني في زيت يطول الشعر ف اسبوع!!

ان شالله البنات يفيدونج.

الله يعينج خلي مطوع يقرا عليج

فديتج والله غمضتيني بس لاتحاتين ان شا الله شعرش بيطول
انا سمعت عن خلطه بس ما جربتها لان عندي ريلي في البيت
يقولون تخلطين زيت جوز الهند( النارجيل ) وتحطين معاه ثوم مدقوق يعني كمن حبه وتخليه على النار خفيفه لمدة عشر دقايق وبعدين تشلينه وتصفيه وتحطيه بالثلاجه كل ما بغيتي طلعي شوي دفيه وافركيه زين بشعرج اهم شي الفروه يقولون الشعر يوصل لنصف الظهر بشهر وان شا الله تستفيدين
طمنينا الغاليه

مشكورات خواتي عالردود
بس ما في معقولة خلطة اطول الشعر بسرعه

يقولون تخلطين زيت جوز الهند( النارجيل ) وتحطين معاه ثوم مدقوق يعني كمن حبه وتخليه على النار خفيفه لمدة عشر دقايق وبعدين تشلينه وتصفيه وتحطيه بالثلاجه كل ما بغيتي طلعي شوي دفيه وافركيه زين بشعرج اهم شي الفروه يقولون الشعر يوصل لنصف الظهر بشهر وان شا الله تستفيدين
طمنينا الغاليه

هاي الوصفه ربيعتي مجربتنهاااا اتقول ا وكيه يغلظ الشعر