بناااات فيني حزت بخاطري كلام المدير :(

السلام عليكم

بناااات حدي حدي متضايقه

طبعا من هالمدير الزفت

الحين صج فكرت اغير الوظيفه و من اليوم بدور على شغل يديد

تخيلو من الصبح و هو يسب فلان و يلعن فلان حتى الهندي الاوفس بوي مسكيين قعد يسبه ماجنه الريال متعرب علشان اييب فلوس حلال
يقول عنه سبال و مادري شنو
المهم دخل عليه سوداني اول ما طلع ولا المدير يسبه

اهو طبعه جذي من اول كله يلعن و يسب و يذم الناس و انا من طبعي احتر اذا شفت احد يسب و يلعن

جان اقوله يا فلان ترا عيب تسب الاوادم و تلعنهم اهم قاعدين يسوون شغلهم
هني حط علي قالي اشوف مستوي لسانج طويل اليوم
قلت له لا انا ماغلطت عليك علشان تقول ان لساني طويل بس قلت لك رايي المهم طول ايوم مخليني و لا كلمني ولا عطاني ويه ارتحت قعدت اشتغل على راحتي

المهم
جان اناديني
قالي شوفي يا فلانه ترا ترا شغلج ابد مافي اي نتيجه
الامور بالشغل واقفه و مافي اي تجاوب او اي شي يمشي الاوضاع حدها تعبانه
قالي البنت الي قبلج كان شغلها ممتاز اما انتي ولا شي قالي هاليومين اذا ماطورتي من نفسج احنا بنشوف حل ثاني
انا حظت في خاطري و سكت مع اني صج اشتغل و تعبت يمكن اول ايام كنت اتدلع و ماعرف شلون اشتغل بس الحين و اللهارد البيت هلكاانه من الشغل

قبل لا اطلع هو حضرته كان يسولف مع موظفه و يشكي لها عني
انا قطيت اذاني و هو مايدري اني قاعده اتسمع
كان يقولها والله ياريت تشوفين سكرتيره يديده الي عندي مب شي ابدا ماتعرف تشتغل
و دلوعه و ياهل
و قعد يمدح في سكرتيرته القديمه و يقولها دوريها ابي ترجه معاها كاننت ايامي ذهبيه
اهي تقوله حرام ….. يديده و صغيره و ماتعودت على شي
قالها اهي مقبسه علي اموري انا ولا مره مرت علي موظفه قبست على اموري جذي و لا تعرف تشتغل و ماعندها اسلوب

اخخخ يا بنات شي يحر
الحين انا قبسه !! انا نحسه و ماعندي اسلوب و مافهم والله عيب
الحمدالله ربي موفقني وين ماروح
الظاهر الله خسف عليه اهو مو انا
طبعا من خلال عملي عرفت ان اهو يستغل الموظفين و ياكل حلال غيره
اكييد الله يخسف عليه

اوكي خل يقول اني مقصره ولا يقول اني نحسه
انا مالي شغل بلي يصير له قولولي بنات من الموقف انا نحسه ولا لا

ماعليج من هالانسان
بس شو يعني .. قبسه؟

قبسه بالكويت نقولها حق الي نحس و حياته كلها مو مترقعه

هههه حلوه هاي الكلمه
انتي كويتيه بالكويت واللا اهنيه بالامارات
عموما حبيبتي ..الارزاق بيد الله
ومديرج شكله ما عيبته صراحتج ولا كلامج له..فطنشي
وانتي ما سويتي الا الصح
لان ما يجوز الواحد يسمح لحد انه يغتاب الناس بحضوره ويتم ساكت
الله يبارك فيج

لا انا كويتيه بالامارات

لا اهو شكله كان حاط عينه على هذيج القديمه و يبي يرجعها

لان اهو قايلي ان هذي من جنسيه ….. و اهو كله يقول انا ماتنفع معاي الا هالجنسيه

إذا تبغين رايي انا اقلج
انا بعد اداوم سكرتيره
بس ما قدر اقول رايي فالمدير مع انه اسلوبه موووول مو شي
لنه بيتم مدير
الحين بيطلع حرته فيج لنه مستحيل يعترف انه هو غلطان وانتي الصح
اكيد الشي للي هو يسويه غلط 100 % بس جان وصلتيله رايج بذكاء اكثر
يعني مثلا يوم تكونين تسولفين وياه فشي غير عن الشغل تحاولي بطريقتج تقولين شي عن مدير وحده من ربيعاتج اسلوبه مره مب زين والناس ما تحبه
وقوليله بس انا والله محظوظه اني اداوم وياك انسان جي مثلك اسلوبه راقي ونا وايد استفدت وتعلمت بالشغل وياك
يعني
جي بتكوني وصلتي له شي ومستحيل يقدر يسب او يلعن احد عل لأقل جدامج
انتي إذا يهمج تشتغلين معاه حاولي انج تصححين للي سويتيه بطريقة ما
وإذا ما يهمج خلاص غيري دوامج
وما يهم رايه فيج لنه اصلا ما يحب احد ومايقدر احد فما يت عليج انتي بروحج
وهذا رايي
والسموحه

اختي سالفه السب و الللعن كيفه انا مالي شغل فيه

بس ان يتكلم من وراي عند الموظفات و يقول عني هالكلام مو حلوه و عيب يعني يقولهم هذي الي يت نحسه نحست علي شغلي

في موظفات مايعرفون مشاكل الي تصير بالشغل و ان الامور واقفه من قبل لا ايي الحين يحطون في بالهم اني صج نحسه و يتحاشوني
و يخافون مني
انا حزت بخاطري حييل