بناااااااااااات ساعدوني شي عن الخدم

السلام عليكم ورحمه الله وبركاته
كيفكم بنات
شو اخباركم
انا قررت اخيرا اني اييب خدامه
بعد تجربتي الاولى مع الخدامه واللي اتعقدت بعدها وخفت منهم
المهم
انا عندي بنتين وحده سنتين ان شاء الله والثانيه 7 شهور ان شاء الله
الله يحفظهم
بسسسسسسسسسسسسسسس
محتاره
انا ابي اييب فليبينيه عشان تساعدني على البنات(لاني ساكنه ويا اهل ريلي وهم عندهم خدامه وما يدخلون بخدامتي)

ويوم بسير المكتب بتصل في الناس اللي كانت تشتغل عندهم وبسألهم عنها
وبتصل انا فيها
واللي محتاره فيه هو
هل اييبها متعلمه ولا لأ
لاني افكر
اذا متعلمه بتيي شايفه عمرها
واذا مب متعلمه اخاف ما تعرف تتعامل ويا البنات
بلييييييييز بنات شوروا علي

الغالية اختاري فلبينية مسلمة .. جديدة …. تعلمينها على طبايعج وبيتج وعيالج ……من منطقة ريفية فقيرة جدا في الفلبين ………اسألي اللي في المكتب عن منطقتها قولي لهم أبغي البلدة اللي ياخذون يومين بالبحر لين ما يوصلون المدينة ….
والسبب ان هالفئة تكون متعلمة بس مب مكملة تعليمها …. وفقراء جدا يكونون دافعين واييييييييد حق المكتب مالهم ومتدينين بعد …بس عشان يشتغلون ….ويكونون مؤدبين …يسمعون الكلام وما يعاندون ….. أنا شغالتي وشغالات خواتي وجيرانا وأهلنا كلهم من هالنوعية ………والحمد لله لا احنا نشتكي منهم ولا هم يشتكون منا …
وبالتوفيق انشالله ..

أختي ممرضة انتي من ويين واي مكتب تتعاملين معه؟

مشكوره اختي فديتج واشكر اختي لم ترى على المداخله والرد وجزاك الله خير

انا بعد انصحج بخدامه فلبينيه مسلمه وتكون فقيره في بلدها انا جربت هاي النوعيه من الخدم والخين تبي تروح واريد انزل نفسها من ننفس المكان

أختي فديتج أنا من الفجيرة …..وأتعامل مع مكتب بخور فكان

انا بعد اقولج الفلبينيات زينات لليهال نظااف
بس مثل ماقالن الاخوات هاتي مسلمه ومن منطقه فقيييره لا تيبين من المدينه يين بطرانات وكل العلوم الماصخه عندهن ويين يدورن رياييل عفانا الله لو حد يعطيهن ويه مايقولن لا