بنات مدري كيف ابدى ومدري لو كان هالقسم الصح لاني احط لكم مشكلتي وحالتي
انا والحمدلله الله ربي عطاني من فضله وماقصر علي
جمال وصحة وغيره
فيوم من الايام رحت لصالون اسشور شعري
وكان في وحدة تسوي مثلي بس كان شعرها خشن وبوي
وانا شعري الحمدلله كان طويل ولما سشورته بين شكل خيالي طول ونعومة
والحرمة كانت تطالعني بشكل مو طبيعي
انا قلت في نفسي قل اعوذ برب الفلق من شر ما خلق وتميت اردد
ماصارلي شهر اقل من شعر
الا شعري يتكسر احسنه يتنتف من نفسه وعلى اقل مسكه
ماخلصت من علاج التكسر الا ياني تساقط شعر
من شهر 8 لين يومي هذا شعري مو مترقع ابدن ابدن
عالجت وحللت وسويت خف التساقط بس ما وقف
وفي يوم من الايام
رحنا ملجة
طبعا مثل كل الحريم تكشخت وتزينت
لما دخلت القاعة في وحدة كانت قاعدة طول الحفلة تطلعني غير الحريم الي سالو عني
ومن يومها لما رجعت البيت حسيت ان الرحم عندي مليان غازات لدجة اني ما قدرت اتحرك من مكاني
وشوي واصيح ونا ما من النوع اللي عمري ماحسيت بالم يخليني اصيح الحمدلله
كنت مقدر اتحرك والله ريلي خاف علي وايد
وتمت الحالة تتكرر عندي كنت وايد اتعب
بس قريت ايات الشفاء في ماي وتميت اتمسح فيه والحمدلله راح الويع ولا رجع
بس مشكلتي الحين من يومها الدورة تلخبطت عندي مع ان كل شي عندي سليم
والحين احس تعبانه نفسيا من كثر ماراكضت ورى شعري الحين ببدا علاج حق الدورة والهرمونات
الحمدلله على كل حال
بنات شو تنصحوني اسوي
اسير عند مطوع يقرى علي
وكيف طريقة المطاوعة لما يقرون عالحريم
وهل انا فيني عين والا يتهيا لي
ومنو تعرف مطوع ثقة في العين او بوظبي
والله يبعد عنكم شر الحساد واللي مايصلون على النبي
ولكم مني جزيل الشكر
حتى اختي جي والله بس تتدرين كيف..راعية الصالون قالت لها..تو ماج توووووووووووول
والحين اختي واييييييد شعرها بدا يتساقط..
عليج بالمعوووذات
وربي يساعدج
تحياتي
والله يسر لج
أختي أنا انصحج أنتي ترقين نفسج لانه أنتي الله عايشه الالم مب المطوع
وأنت راح تكونين أصدق فالرقية
والله يشفيج ~
كنت مااطيع اقول منو بيحسدني على شو اتمصخر وكله اتعب فمره قلت
ليش مااجرب ارقي نفسي والله اني اول مره مااتعب ولايصير لي شي
واايد فرحت اللحين كل مااسير مكان ارقي عمري ارتاح نفسيا نصيحه ارقي عمرج
وشوفي النتيجه
شو هاييل الناس والله حتا كلمة ماشاءالله ماشي ..