بعض الربيعات يخربن على ربيعاتهن المعرسات ! خراب بيوت مستعجل

مرحبا بنات

حبيت اناقش وياكم موضوع

شرايكم الي تفضل ربيعتها على ريلها او تحط اذنها لربيعاتها وايد

قريت وسمعت كذا مواقف ان الريال يمنع حرمته من صديقاتها لانهن يعكرن صفاء الجو مابينهم يعني يلاقي حرمته تغيرت عقب ماراحت زيارة لعند ربيعاتها او التقو في مكان طبعا اذا كانت زوجته من النوع الي تتكلم وماتخش شي عن ربيعتها حتى علاقتها مع ريلها شو قالها وشو يابلها والامور هذي
تعرفون كيف تجمعات الحريم كل وحدة تعطي نصايح للثانية عن الرياييل وفي بعضهن يقصدن الخراب والثانية ماتدري لما الوحدة متكون متفاهمة وياريلها هن ين على اساس تنتبه لحقوقها طبعا حلو الوحدة تشوف حقوقها لكن في بعضهن يعطن نصايح تدل على نقص العقل والدين هي ماتعرفشو يصير في البيت الحرمة لما تزعل من ريلها كل الاشيا الي مب حلوة تشوفها فيه بمجرد مارضت ينتهي الامر و كل وحدة وطريقة تعاملها ويا ريلها والاسلوب الي تمشي عليه تيي يحليلها تفضفض واصلا غلط تتكلم لانها اذا فتحت عليها باب مايتصكر بيتمن يسالنها ها شو ريلج الحينه ها كيف اخبار ريلج وياج زين الحينه شو سويتوا والخ فبعض الربيعات ينصحن على اساس كوني الاقوى ابو عنتر على غفلة نسو ان الحياة الزوجية شراااااااكه وتفاااهم وكل الفروقات بتروح اذا الزوجين يبون يتمون ويا بعض ويبون يفهمون بعض وحابين بعض اساسا فاحسن الوحدة ترابع الي تنصحها بشي خير وفي الله وينفعها حقها وحق ريلها تكون خيره وماتحط مقارنة بينها وبين ريل ربيعتها
في ربيعات بحكم انها تعز ربيعتها تبا ماتنساها حتى عقب ماتعرس وتكون متمسكه فيها لكن لازم تحط في بالها هذي حياة اي وحدة معرسة تنشغل خلاص لها حياة جديدة ومسؤولية لازم تشوفها
انتبهو رابعو الربيعات الزينات الي تعرف الاصول والذوق الي ماتحط نفسها مقارنة مع ريل ربيعتها
والي مب الي تقول لربيعتها تعالي نتعشى او نتغدى بره او نسوي شوبينج تعتذر المتزوجة ساعات الريل مايوافق والوحدة بعد الزواج امورها تختلف وربيعتها تزعل وقصة قصة وطبعا هذا البعض بي حبيت اقولكم يابنات حب الزوج غير عن حب الربيعة وفي ربيعات الله يكتب لهم الريل الصالح اميين دايما اسمع نستني فلانة عقب ماعرست والخ لاتنسين الزوج والعيال يشغلون الوحدة يعني دشت دنيا يديدة عالم ثاني لازم تشوفه وتداريه وساعات الريل مايتقبل ان زوجته اربع وعشرين ساعة تتكلم ويا ربيعاتها تتكلم في اوقات معينة لانه يغار لانه يبي هو محور اهتمامها الدايم وفي بعضهم مثل ماقلت لكم يخاف من كلام الحريم وتخريب العقول خصوصا الربيعات وفي بعضهم عشان صرف المكالمات مايبيها تصرف وايد على المكالمات 24 ساعة يعني كل زوج وافكاره طبعا هي مابتقول لج لانها بتنحرج وبتحتفظ هالشي لنفسها لكن الربيعة الزينة هي الي تقدر وهن لما يعرسن بيعرفن الوحدة تكون ملزومه ومسؤولة بعد ماتعرس والله يرزق الجميع امين
وفي ربيعات ماعليهن كلام بنات عرب واحشام وحكيمات وعاقلات وفاهمات يعاونن ربيعاتهن المعرسات بالخير والله يهدي الجميع

فعلاااا مثل ماااقلتي .. فيه الي تهدي وتنصح وفيه الي تزيد النااار حطب

الله يسعد الكل ياارب ^^

يزااج الله كل خير حبوبة

ام خماس اكيد مريتي بتجارب وشفتي جدامج

ويسعدج ويحفظج امين

فعلاآ شي يحصل ,

منورة الموضوع

صح وخاصه لو كانت الحرمه تتأثر من كلام الناس ..

لازم تسكت وماترمس عن حياتهآ !