شحالكم
اللهم لك الحمد ربيت بالسلامه بعملية قيصريه لاسباب صحيه
و واجهتني صعوبات
متى بقدر ارقد على طرفي اليمين ! كل ما احاول انجلب ما اقدر و بطني يعورني و ينشد وايد
انا عمليتي كبس وحاطين لي على الاطراف مثل الخرزتين وفيهن خيوط طالعه و عقب كم يوم بيشلونهن
منايلس ارضع احس بالم مب العمليه الالم حوال العمليه في كل الاتجاهات هل هالالم بيروح بعد ما يشلون الخيوط !
بعد ابغي البس حزام او مشد يرفع بطني عن العمليه وين بحصل اللي قريته انه على الاقل بعد العمليه باسبوعين او بعد الاربعين
عندي مشكلة في الرضاعه عندي صدر واحد ميترح مااعرف كيف فالحلمه الجلد متصلخ ومب قادره ارضع محتاجه حل سريع ادري مافي شي بالسرعه بساللي جربت شي و نفعها بشكل سريع لا تبخل علي
اقدر احط المطاره على بطني
وهل اقدر اشرب الحبه الحمرا قالوا بما انه عمليه لازم ااخر الحبه الحمرا فتره
شوه اقدر ارب مفيد لي والاكل كله احس عمري مالي نفس اكل و جبدي كله لايعه
واحس جايسني اكتىاب ما بعد الولاده نفس الولاده الاولى احاول اقرا الاذكار لكن انسى وكله مالي خلق لشي
كنت ناويه اسوي حمام مغربي فالبيت بروحي بس عقب العمليه احس ما بقدر و بيكون صعب
هالحمل سوا لي بقع وايده فجسمي بشكل مب طبيعي اللي يجوف رقبتي يقول حلط مب سمارة حمل كيف ارجع بياض رقبتي مثل قبل
شوه نوع الرياضه اللي بقدر اسويها عقب الاربعين او حتى بعد شهرين هذا اللي فهمته من المواضيع المطروحه
*و المشد او الحزام شوه ماركته ومن اي محل او صيدليه بالضبط
اتمنى ما تهملون الموضوع و تساعدوني
يزاكم الله خير
شوفي التمارين الرياضية بقوقل
ان شاء الله البنات الي جربوا القيصرية يساعدوج
بالنسبه للالم ماعندي فكره ممكن تسالين دكتورة "وانا اللي اعرفه لو الحرح يابس عادي مافيها شي بس النزف مشكله"
اما المشد بعدج اصبري لين ما يخو الجرح عشان ما يسويلج اللتهاب"
وبعد الحمام المغربي لا تسوينه لاحقه عليه عشان جرحج ما يلتهب "
والاكتئاب معظم الحوامل يمرون فيه "خصوصا انج اتعانين من كل شي الم ودم وقرف ورقاد ماشي وهاي كلها اتسبب اكتئاب "اشغلي عمرج مع البيبي وطنشي رغم انه صعب عليج"حافظي علي الاذكار وربي يعافيج"
الحلمه خدي ميبو وايد ين لانه فيه ماده نفس البنج اتخفف الويع امسحيه بعد كل رضعه "وحاولي اترضعين البيبي بانتظام كل ساعتين عشان تعطين الجرح فرصه يمتص الدواء"
وربي يوفقج وتعدين مرحلة الاربعين هذي لانها صعبه من تجربني "
بصراحه ماعندي خبره بالولاده بس حسيت من أسألتج انج محتاره وايد
اللي اعرفه بس اهم شي المشي شوي شوي اول اسبوع حتى لو صعب حاولي تفردين ظهرج وامشي يساعد يرفع الرحم طبيعي
الله ييسر امورج ويخفف عليج
والله أنا بعد كنت اجد صعوبه ارقد على جنبي الأيمن ،، بس أحيد بعد ٣ اسابيع قدرت .
و مافهمت كيف تحسين الألم في كل الاتجاهات
عن الصدر المتيرح ماشي مثل زيت الزيتون
لون الجلد بيرد بالتدريج و الم البطن من الغازات
انصحج تاخذين حبوب فحم من الصيدليه و ما لها اثار جانبيه
بس بتريحج من الغازات اللي تضغط عالعمليه
المشد ما انصح فيه لانه بيشوهلج جسمج الرياضه افضل بكثير
تقدرين تمارسين رياضه خففه مو عنيفه يعني للجسم كله ما عدا منطقة البطن
تحتاج 6 اشهر حتى تقدرين تلعبين رياضة البطن و الرقص افضل شي للكرشه بس مو الحين بعد مرور 6 شهور عالعمليه
ما انصح بالحمل قبل سنتين حتى ما يأثر على عضلات البطن
يطلعلج كرشه صعب ترد مثل اول الافضل سنتين بين كل حملين
اتمنى اكون افدتج 