مرحباااااااااا بنات
أن شاء الله كلكم بخير ^.^
طبعا انا ما بكتب مشكلتي لأني سبق وطرحتها بس شفت بنات وايد ينزلون في القسم عن مشكلة صادفتني بشعري
اللي حاب يعرف يضغط هنيـــــــــــــــــــــــــــــه
صراحه وايد يتني عروضات من المنتدى ع الزيوت واحترت مب عارفه اخذ شو والا شو @@
اخر شي قررت اني ادور ع الحل بنفسي والحمد لله لقيته وان شاء الله كل بنت تستفيد نفس ما انا استفدت .
هذا النظام اللي مشيت عليه ^__________^ .
بسم الله
وهاي قائمة المنقودات طول فترة علاجي لشعري .
1- المشروبات الغازية بجميع انواعها وحتى الاورنمين سي منقوووووووووود قولوا ليش لانها تخرب الدم والشعر يتغذى من الدم وتغذية الشعر تبتدي من الداخل قبل الخارج .
2-السيشوار منقود
3- التمليس بجميع انواعه والصبغات والهاي لايت خاصة منقود منقود منقود
+++++++++++++++++++++++++++++++++++++++++++
الحين برنامج العناية مالي
اول شي اهتميت بتغذيتي وبديت اكثر من السلطه وخصوصا الخضار الخضراء لانه فيها حديد ويغذي الدم صح طعمته قوية بس تقدرون تعصرون عليه لومي بتقدرون تاكلونه او خس المهم تقدرون تنوعون بالسلطات كل يوم شكل يونانية او العاديه المهم سلطة .
رحت الصيدلية وسألته عن حبوب قالي في نوعين وحده لتساقط و حده لتطويل الشعر انا خذت لتطويل الشعر وهي بعد تقوي الاظافر والبشرة اسمها silica ok
هاذي صورتها وسعرها 85 درهم
الباكيت يكفيج شهر والصيدلاني قالي خذي حبه وحده بس في اليوم عقب الريوق لازم تكونين ماكله واستمري عليها 3 شهور .
انا الحين خلصت باكيت واشتريت غيره من كم يوم .
ملاحظة :
هالحبوب ممنوع تأخذها الحامل او اللي ترضع .
اغلب البنات يسالون هاي الحبوب تمتن هي تفتح الشهيه شوي بس اذا حسيتي نفسج يوعانه كلي سلطه بس يعني عادي الواحد يقدر يتحكم بشهيته انا عن نفسي ما متنت بس حسيت نفسي ابا اكل واذا كلت اكل اشياء صحيه مسلوقة مثل ما تقولون سد يوع .
الشي ثاني استخدمت زيت جنين القمح تلقونه من عند العطار بغيت احط صورته بس مادري شو مشكلة التلفون المهم انه غني بالفيتامينات وو ظيفته يطول الشعر ويكثفه ويمنع تساقطه وتقدرون تستخدمونه حق الاطفال . يكون في كرتونه وعلى صورة شعر لونه اشقر من منتجات ناصر علي باقر .
استخدامه :
احطه ع شعري 3 مرات في الاسبوع .
وتخلينه ع شعرج من 3 لين خمس ساعات لا طولون فيه لانه اي زيت تكفية هالساعات عشان يغذي الشعر وفترة كافية عشان يتشبع الشعر اذا زادت الساعات ما يضر لكن في نفس الوقت ماله تأثير لانه الشعر خذت كفاية في الثلاث اوالخمس ساعات .
واهم شي انه ريحته مب خااااااايسه ابدا وحتى لو كنتِ يالسه ويا الاهل ما ينروح ابدا .
الشامبو استخدم دوف اصب الكمية اللي تكفي شعري في كوب بلاستيك واحط عليه ماي اخليه تقريبا نص ساعه وعقب استخدمه هاي الطريقة تخلي الشامبو ما يكون حار ع الشعر لانه اي شامبو تكون فيه مركبات وبعد الغسيل استخدم البلسم بس لا تحطون منه ع فروة الراس (( مسام الشعره )) بعدو شوي ع المسام لين ما تنزلون عند اطراف الشعر ابتدي سوي تقشير حق جسمج او خلطات يكون البلسم خذ وقت كافي يعني تقريبا 10 دقايق او ربع ساعه .
(( كل وحده والشامبو اللي ترتاح له واللي يناسب طبيعة شعرها ))
وعقب ما اخلص نهائيا ما استخدم لاااااااااا فوطة ولا سيشوار عشان اجفف شعري
خلوة ينشف بروحه واقروا الخطوة اللي تحت
الشي الثالث خذت هالبخاخ سعره 50 درهم بنات سئلوا عنه في نزية ممكن يكون عنده بسعر اقل انا خذته من الصالون و هو صناعه ايطالية .
اسمه 2phase hydrashine
وهاشكله
استخدامه :
هذا ترشينه ع شعرج وهو مبلول على طول مب تترينه ينشف .
ولا تمشطين شعرج وهو خرسان خليه لين ما ينشوف موووول من الماي واستخدمي
مشط المسافة بين اسنانه تكون متباعده مب مرصوصه رص .
الله شاهد علي من كثر ما الهاي لايت غربل شعري انه هالمستحضر خلا المشط يمشي في شعري لا عقد ولا تقطيع قبل كنت كل ما ابا امشط شعري يتقطع مثل هدوب الخياطة .
وظيفته :
ينعم الشعر ويخلية ستريت وما تحتاجين لسيشوار .
نتيجة العناية
بتلاحظون في تغيير بطول الشعر ملمس ناعم .
واهم شي استغنيت عن السيشوار وناوية اكمل على هالبرنامج لين شهر 12 انا بديت فيه بتاريخ 6/6/2019 والحمدلله الفرق واضح بنسبه لي وين كنت ووين صرت .
وعمري ما رااااااااااح افكر اسوي لااااااااااااا اي نوع تمليس ولا هالكيراتين اللي هابين فيه البنات هاليومين ولااااااااااااا هاي لايت مهما كانت المغريات في البداية الواحد يستانس فيه وعقب نص شهر والا شهر يبتدي الدمار الشامل في الشعر .
بس اللهم صبغة لون واحد وبعد ما بصبغ لين شهر 12 .
هاي تجربتي وان شاء الله تفيدكم نفس ما انا استفدت .
واللي حابة تنقل الموضوع ياليت تذكر المصدر .
دعواتكم لوالداي بأن الله يشفيه ويعافيه ويوفقني بحياتي ^.^
اممم بس الغاليه منويناقدر اخذ هـ البخاخ انا من العين وفيه منه بالصيدليه ولا ,,
والسموووحه منج
اممم بس الغاليه منويناقدر اخذ هـ البخاخ انا من العين وفيه منه بالصيدليه ولا ,,
والسموووحه منج
بس عندي سؤال غريب شوي هههههههههه لا تضحكين،،، الحبوب اللي خذتيها مبين حجمهم صغير صح؟؟ يعني اصغر من حبه الباندول ؟؟ ((( لاني اخاف من الحبوب العملاقة))) خخخخخ
وهل هي تطول بس ،، ولا تقوي الشعر بعد ؟؟
وشكرا