في الاشهر القادمه بيحلو الجوى وتهف اشويه نفحات بارده حلوه
وين انروح شنو الحدايق او الاماكن الحلوه الي نقدر انزورها ونمتع اطفالنا فيها ..خبروني
وخصوصا في عطله العيد الكبير وين تقترحون انسير لها …وشكرا
مول دبي ورى في مكان تقدرون تتمشون فيه
والفيتسفال بعد وايد اماكن برع ترومين تمشين فيها
ها وين الردود
ممشى المارينا نايس ..
حديقه الصفا احبها احسها واايد حلوه في الشتا ^^
حديقه الممزر …
حديقه مشرف .. واايد حلو انكم تسيرون لها حزه الغدا و تطبخون غداكم هناك بروحكم وسط الغاف ^^
حديقه الخووور .. وااايد احب هدوءها ^^ وغير جذه فيها تلفريك بتستانسون أكثر يعني ^^
حديقة زعبيل طبعا رااائعه مثل ما قالت الأخت ^^
حديقه جميرا .. سمعت انها حلوه بس ما زرتها ^^
حديقه وايلد وادي المائيه ..
بحر الممزر ..
بحر الممزر ..
العين ..
عندج حديقه الهيلي … روووعه ^^
الشارجه ..
حديقه منتزه الجزيره بس تراها مب وايد حلوه لهناك يعني خخخخ مال مش حالك وتغيير ^^
حديقه المجاز .. بس ما انصحكم تسيرون لها لانه سكان البنايات اللي احذالها معسكرين فيها خاصه الهنود خخخ
بحيره خالد … و قناه القصباء ..
الفجيره
حديقة عين مضب .. وبامكانكم تستمتعون بالمياه الكبريتيه فيها وتتعالجون بمياهها ^^
وعندكم المناظر الطبيعيه هناك حلوه سواء على البحر اللي يختلف عن باقي شطآن الامارات لانه يطل على خليج عمان ومياهه قويه و الشاطي أغلبه صخور ^^
وبامكانكم تتمتعون بجمال الجبال وتشوون فيها وتتمشون هناك …
وبامكانكم تطلعون البر وتغيرون جو … عندج اامتداد شارع الامارات الطريق اللي بين ام القيوين وراس الخيمه وااايد حلو للتخييم .. وفي منطقه رهييييييبه وخضرا حتى في الصيف في طريج دبا الفجيره يسمونه طريج الشاحنات منطقه داخليه يسمونها مزيرع اعتقد !! بس رهييييييبه لكنها متروسه جمال لو ما تخافون سيروا خخخ انا وداني ريلي وحلفت ما انزل لاني شفت المكان متروس بوش خخخ
و ان شاء الله أكون أفدتج بشي ^^
الشاطي المفتوح في جميرا روعة وفي العاب للصغارية
ومرسى دبي
بس الحدايق بشكل عام حلووه كماان فيستفال ستي البوت الي برا و المشي برا حلوو بيكون وقتها
كماان ميناء السلام حلووه العشا قي المطاعم الي برا
دبي مارينا المطاعم ذا ووك
اممممممم
تقريبا ذا الي في بالي