سويت امس ع الغدا برياني دياي بخلطة النعناع والكزبره مضاف لها بيض
ومكسرات وبصل مقلي مقرمش والطعم روووعه ولذيذ
جربوهااا وان شاءلله بتعجبكم .. ترى التغيير حلووو ههههههههه
نبتدي بـ شدتين من النعناع والكزبره نفرم الربع منه والباقي نخليهم بالخلاط كوب ماء ومع
عدد 3 حبات فلفل اخضر حار ونسلق 4 بيضات ونحمر الكاجو واللوز وايضا عدد 2
بطاط مكعبات نحمرهم وايضا نحمرعدد 4 بصلات متوسطه بعد ما نقطعهم شرايح
رفيعه عدد 1 معجون ومطعبات ماجي ونخليهم على طرف
نقطع الدياي ونشل الجلد منه ونبشر ثوم ونقطع عدد 2 بصل مربعات ونخليه ع النار
نضيف الدهن وبعد مايشقر البصل نضيف البهارات الصحيحه مسمار وهيل وكمون
حب وورقه غار نحط عليه الدياي ونخليه لحد ما ينشف السائل منه
يتبع
نضيف الدياي ومن ثم الثوم ونخلطهم عدل
نضيف البهارات ونخليه لمده 5 دقائق على نار هادي
نضيف الخلطه عليه
نحط عدد 3 حبات طماطم بالخلاط
بعد 10 دقائق نضيف ملعقه واحده كريمه والبطاط المحمر ونخليه لمده 20 دقيقه ع النار
او لحد مانشوف ان غلظ قوام الصالونه
يتبع
نحط نص مقدار العيش بالجدر ونحط عليه خلطه البرياني مع الاضافات الموجوده كما يلي
لاحظو ان خلطه البرياني صلصتها غليظه
نحط مقدار العيش المتبقي ونزينه بالبصل والخضره ولون الزعفران ودهن
ونسكر عليه ونخليه مدة 40 دقيقه ع نار هادئ
هني جاهز
وهذي صالونتهااا ههههه يمي يمي لذيذه مع الخبز
شكله يفتح النفس ومشهي
ربي يعطيج العافية وتسلم أيدج
وبالهنا والشفاء حبيت طريقتج
وبنجربها ان شاء الله
يعطيك الف الف الف عافية