حبيت أسألكم اذا عندكم أي فكره عن برنامج التدريب الإداري الي يطرحه طيران الإتحاد
اتعرفون حد كان منتسب لهذا البرنامج؟ شوكان رايهم فيه من ناحية نوعية البرنامج؟
انا يوم سألت قالوا بيكون لمدة 3 سنوات! سنه داخل الدوله وسنتين برع الدوله
وفي نهاية هالفترة بيكون عندي شهادة دبلوم في الإدارة (انا عندي شهادة بكالريوس)
انا واااااايد محتاره!
واي اخت تعرف كيف نظام الامتحانات تخبرني يزاكم الله خير
أرجوكم لا تبخلون علي بآرائكم 
هالبرنامج حق خريجي الباجلر وصح يعطونج دبلوم
نظامه سنه تدريب داخل الدوله وسنتين برع وبالاخير يتم تعيينج ك مدير في محطات خارج الدوله يعني بتتوظفين برع ,, ف تظنين انج مستعده تداومين برع ؟ وتضمنين انج لو طلبتي ينقلونج لداخل الدوله بيوافقون؟ لان اساسا هالبرامج للمحطات الخارجيه
ولازم يكون عندج ايلتس ولغتج توب لانج بتتدربين برع
موفقه
بخبرج اللي اعرفه عنه
هذا اول شي تدرسين مده ٦ شهور تقريبا و بعدين باقي المده الي هي سنتين تدربين ع شكل روتيشن كل مره يحطونج ف قسم يعني و عقب ماتخلصين هالسنتين يثبتونج بمنصب مديره ف قسم معين الي انتي يناسبج في نظرهم
خلال فتره التدريب لازم تسافرين حسب حاجه القسم مثلا الفايننس ممكن ٣ شهور ،، اشياء ثانيه تستدعي سنتين سفر او سنه حسب يعني
انا قالولي في احتمال تختارين القسم الي فيه تدريب مدته قصيره ولكن ف حال طرشوج ف تدريب طويل مايصير ترفضين ف يعني انتبهي لهالنطقه لازم تكونين ضامنه انج ترومين تسافرين و ع فكره يعطونج اعتقد دسكاونت لو بتشلين ريلج اذا معرسه او حد من هلج فيها شي تسهيلات
اما الراتب ٢٧ الف مع امتيازات و تحصلين الراتب من اولها يعني من تبدين التدريب هذا