خواتي بغيت اخذ رايكم بعده اشياء واستفسر عن اشياء بخصوص بيت العمر
اول شى حبيت اقولكم ان شاء الله قريب ببني بيتي وابغي اخذ رايكم بخصوص الشكل الخارجي
لاني ناوية اسوي بيتي على الشكل الحديث ومن داخل نظام فنادق
سؤال ثاني بغيت اعرف كم كلفكم بناء بيت العمر وكيف استايله وكم غرفة وشكرا
ياااارب يخلص البنا على خير إن شاءالله ونتهنى في بيتنا مع عيالنا إن شاءالله… إنتي بعد ربي يعينج واييسرلج المهندس الزين والمقاول الامين إن شاءالله…
نصيحة فصلي مجلس الرجال مع ملحقاته (الطعام ونوم الضيوف) عن الفيلا عشان الخصوصية
تحتاجون صالة قعدة لج مع اليهال وابوهم فيها تلفزيون ونت في الدور الاعلى ومطبخ تحضيري
المطبخ الرئيسي اذا داخل الفيلا سوي له باب خارجي
خلى كل غرف النوم ماستر (بحماماتهم والدرسنج) غرفتج الرئيسية خليها جناح (جلوس و نوم و غرفة دريسنج وحمام كبير مقسم للشاور و للبانيو وللمرحاض و مغسلتين على كاونتر واحد
سعر الحديد عالمي يصعد وينزل وهو نفسه في كل مكان
اللي يفرق الاسعار اللي يحطونها الاستشاري والمقاول
بس تقدرين تقارنين السعر لأنهم يحسبونه بالمتر المربع
الحجر والزجاج يقاوم الظروف الجوية لكن الصبغ بسرعة يخترب حتى لو عليه ضمان
يفضل قبل الشروع في تنفيذ الفيلا تشوفين مصمم او مصممة ديكور على 3D
ممكن تغيرين رايج في تصميم الفيلا عشان الديكور وبعد تحتاجين عشان توزيع الكهرباء وبايبات الماي والصرف الصحي
هذي أقتراحاتي ممكن تستفيدين منها اذا حابة
تستطيع ان تشاهد منزلك كأنه حقيق بجميع الخامات الطبيعية بواسطة تقنية الثري دي .
للأتصال بنا : موبايل : 0553496634ِ ام زين هاتف : 037849300