بخصوص الامتحان
ابغي اعرف المكان اللي نمتحن فيه
و الرسوم ، وانا من الشارجه
بسير حادي عشر
ابغي اخذه هالسنه
و الامتحان عباره عن شو ؟
انا مستواي في الانجليزي عادي !
ابغي اخذه و نتيجة النجاح من كم ؟
و اذا ابغي كورسات و اذا شي رسوم ولا لآ ؟
يعني ابغي شرح عنه !
و اتريا ردكم .
و مشكورين خواتي
انا قريت مواضيع فـالمنتدى بس مافهمت له !___!
و السموحه : )
انا بخبرج عن الايلتس لاني ما اعرف شي عن التوفل
اولا رسوم الايلتس 875 درهم و تروحي كليات التقنيه العليا تسجلي ( كلية الشباب )
و الامتحان عبارة عن ( رايتنغ , ريدينغ , ليسيننغ و سبيكينغ )
و اذا كنتي بتدرسي بكلية الشارقة اعتقد مطلوب عليكم تييبو باند 5 او 5.5
و عن الكورسات , اعتقد شي فالكلية كورسات ايلتس
و ربي يوفقج
)))يعني قصدي عقب التخرج خذيها أحسن من ناحيه الأنجليزي بيكون اقوى
ومن ناحيه الشهاده بتكون أيدد .. لأنه الشهاده على حسب معلوماتي فيها تاريخ انتهاء ^^"
والله اعلم
نتريا الباقين
اممم اللي اعرفه عن التوفل انه فيه نوعين ..
1- ibt
اللي هو يكون اونلاين يعني تمتحنين عالكمبيوتر و الدرجه من 120 .. و يختلف من جامعه لجامعه الدرجه المطلوبه .. بس اللي اعرفه انع 60
2- التوفل العادي نسيت شو اسمه .. يكون من ثلاث اجزاء )reading-listening-grammar( و الدرجه تكون من 677 و اعتقد درجة النجاح المطلوبه 500 او يمكن تختلف من مكان لمكان ..و سعر التسجيل 350 تقريبا في هالحدود
التسجيل في أماكن كثيره منها مركز امــيد ايــست موجود في دبي
موفقه